Ակնկալվում է, որ Իրանը հինգշաբթի օրը կպատասխանի հակամարտության խաղաղ կարգավորման ԱՄՆ առաջարկին։ Այս մասին հայտնել է CNN հեռուստաալիքը՝ հղում անելով տարածաշրջանային իր աղբյուրին։
Ավելի վաղ Իրանի ԱԳՆ խոսնակ Էսմայիլ Բաղային հայտարարել էր, որ ամերիկյան առաջարկի վերաբերյալ Թեհրանի պատասխանն ուղարկվելու է որպես միջնորդ հանդես եկող պակիստանյան կողմին։
Մինչ այդ Axios պորտալը պնդում էր, թե Վաշինգտոնն ու Թեհրանը մոտ են զինված հակամարտության դադարեցման մասին մեկ էջանոց հուշագրի ստորագրելուն։