Բրիտանական նախկին արքայազն Էնդրյուի տան մոտ զինված տղամարդ է ձերբակալվել, հայտնում է Associated Press-ը:
Ըստ Նորֆոլկի կոնստեբլի գրասենյակի հաղորդագրության՝ ձերբակալությունն իրականացվել է չորեքշաբթի երեկոյան, երբ հաղորդում է ստացվել մի տղամարդու մասին, որը «սպառնալից վարքագիծ է դրսևորել» Անգլիայի արևելքում գտնվող Էնդրյու Մաունթբաթեն-Վինձորի տան մոտ: «Դեպքի վայր են ժամանել ոստիկանության աշխատակիցները, և տղամարդը ձերբակալվել է հասարակական կարգը խախտելու և զենք պահելու կասկածանքով»,- հայտնել են ոստիկանությունում: Կասկածյալը տեղափոխվել է մոտակա ոստիկանական բաժանմունք՝ հարցաքննության:
Մաունթբաթեն-Վինձորը՝ Կառլոս Երրորդ թագավորի կրտսեր եղբայրը, փետրվարին ձերբակալվել էր և մի քանի ժամ գտնվել կալանքի տակ՝ Ջեֆրի Էփշտեյնի հետ ունեցած կապերի պատճառով պաշտոնեական դիրքի չարաշահման կասկածանքով:
66-ամյա Մաունթբաթեն-Վինձորը տեղափոխվել էր թագավորի՝ Նորֆոլկում գտնվող մասնավոր կալվածք, երբ այս տարվա սկզբին նրան վտարել էին Վինձորի ամրոցի մոտ գտնվող իր տնից, որտեղ նա բնակվում էր երկար տարիներ: