Իրանի արտաքին գործերի նախարար Աբբաս Արաղչին և Մեծ Բրիտանիայի արտաքին գործերի նախարար Իվետ Կուպերը հեռախոսազրույցի ընթացքում քննարկել են տարածաշրջանում ստեղծված իրավիճակը, հաղորդում է Mehr-ը։
Նախարարները կարծիքներ են փոխանակել տարածաշրջանային իրադարձությունների վերաբերյալ, հայտնել է Իրանի արտաքին գործերի նախարարությունը՝ առանց բանակցության լրացուցիչ մանրամասներ ներկայացնելու։
Այս հեռախոսազրույցը Թեհրանի և եվրոպական մայրաքաղաքների միջև վերջին շրջանի դիվանագիտական շփումների շարունակությունն էր։ Միևնույն ժամանակ, ջանքեր են գործադրվում Իրանի և ԱՄՆ-ի միջև հրադադարի շուրջ բանակցությունների հերթական փուլը կազմակերպելու ուղղությամբ։