Իրանում մոտ 35 միլիոն մարդ ջրի պակասի խնդիր ունի, երկուշաբթի օրը հայտարարել է ջրային ոլորտի պաշտոնյա Իսա Բոզորգզադեն՝ զգուշացնելով, որ չնայած ջրամբարների պաշարների ավելացմանը, ջուրը խնայելու անհրաժեշտությունը մնում է։
Բոզորգզադեն նշել է, որ տեղումների քանակը նորմայից ցածր է մնում 11 նահանգներում, այդ թվում՝ Թեհրանում, Ղազվինում, Ալբորզում, Սեմնանում, Ղոմում, Յազդում, Մարկազիում և Սպահանում, որոնցից Թեհրանը ամենաշատ տուժածներից է։
Նա նշել է, որ ջրային ռեսուրսների կառավարումը պետք է իրականացվի տեղական մակարդակով, քանի որ մեկ նահանգում տեղացած առատ անձրևները չեն լուծել ջրի պակասի խնդիրը մյուս շրջանների խոշոր քաղաքներում։