ԿԳՄՍ նախարար Ժաննա Անդրեասյանը խուսափեց պատասխանել Oragir.News-ի հարցին՝ երեխաների քաղաքական քարոզչության մեջ ներգրավման վերաբերյալ՝ առաջարկելով մնալ ասուլիսի շրջանակներում։ Հարցը հնչեց հունիսի 6-ին կայանալիք «Դասական Եվրատեսիլ» միջազգային մրցույթին նվիրված ասուլիսի ընթացքում։
Oragir.News-ը հետաքրքրվեց՝ հաշվի առնելով, որ նախարարությունը պարբերաբար հայտարարում է դպրոցներում քարոզչության անթույլատրելիության մասին և շեշտում դրա վտանգները, արդյոք նախարարի համար դատապարտելի՞ է երեխաներին քաղաքական քարոզչության մեջ ներգրավելը, հատկապես այն պարագայում, երբ իշխանական թիմի միջոցառումներին ևս երեխաների մասնակցություն է արձանագրվում։
«Ես կուզեի մենք մնայինք ասուլիսի շրջանակներում։ Առաջարկում եմ, տիկին Անդրեասյան, ասուլիսի շրջանակներում մնանք։ Հարգելի գործընկերներ, երևի թե լիքը առիթներ կլինեն տիկին Անդրեասյանին քաղաքական հարցեր տալու, բայց եկեք մնանք այս միջոցառման շրջանակներում, որովհետև հատկապես մասնագիտական տեսանկյունից շատ կարևոր է, հիմա քաղաքական պրոցեսներ են ընթանում զուգահեռ, և շատ կարևոր է, որպեսզի դասական երաժշտության այս հրաշալի միջոցառումը չկորի մեր տեսադաշտից այս ամեն ինչի ֆոնին»,- ասաց Հովհաննես Մովսիսյանը:
Ի պատասխան՝ Ժաննա Անդրեասյանը նշեց, որ պատրաստ է ավելի ուշ անդրադառնալ հարցին։
«Ձեր հարցին ես հետո սիրով կպատասխանեմ, որովհետև էդտեղ որևէ բան չկա տարակուսելու կամ խուսափելու պատասխանից»,- ասաց Անդրեասյանը։