ՌԴ նախագահի հետ բարձր մակարդակով նոր հանդիպումների մասին արդեն պայմանավորվածություն կա։ Այս մասին հինգշաբթի, լրագրողների հետ ճեպազրույցում հայտարարել է Նիկոլ Փաշինյանը՝ նշելով, որ հանդիպում նախատեսվում է նաև հունիսի երկրորդ կեսին։
Նա հավելել է, որ հայ-ռուսական հարաբերությունները գտնվում են «կառուցողական տրանսֆորմացիայի փուլում» և շարունակելու են զարգանալ երկխոսության ճանապարհով։
Oragir.News-ը շրջել է Երևանի փողոցներում և քաղաքացիներին հարցրել․ «Ձեր կարծիքով՝ ինչո՞ւ է Փաշինյանն ուզում նորից հանդիպել Պուտինի հետ»։
Քաղաքացիների պատասխանները տարբեր էին։
«Որ ճիշտ լինի ամեն ինչը, ոնց ճիշտ կիսեն Եվրոպայի փողերը, նենց չլինի՝ սխալմունք լինի»,– ասաց մի տղամարդ։
«Ես չեմ ընդունում ոչ մի հանդիպում էդ հանցագործի հետ»,– նշեց մեկ այլ քաղաքացի։
«Որ մեր վիճակը շատ լավ լինի»,– ասաց մի կին։
Մեկ այլ կին կարծիք հայտնեց․ «Պուտինն ուզում է Փաշինյանին շնորհավորի»։
Հնչեց նաև ավելի կտրուկ տեսակետ․
«Երևի՝ արդեն օդերը փակեց, դրա համար է հանդիպում, որ ուղղի ինչ-որ բան։ «Ցռան» կովը նախիրի անունը գցում է»։
Նույն քաղաքացին անդրադարձավ նաև 18 ամյա տղայի դեպքին հավելելով.
«Էն երեխեն ի՞նչ մեղավոր էր, հիվանդ երեխա, խի՞ տարան, փակին»։
Հարցման ընթացքում տեղի ունեցավ նաև վիճաբանություն քաղաքացիների միջև։ Մի տղամարդ, ով Հայաստանի քաղաքացի չէր, ասաց, որ հնարավորություն ունենալու դեպքում կընտրեր Փաշինյանին։ Այս խոսքը լսելով՝ մի կին նյարդայնացած արձագանքեց․
«Դու ի՞նչ գիտես, քո երեխան չի մեռել, Նիկոլը 3 պատերազմ ա արել»։
Մանրամասները՝ տեսանյութում։