Կատարը հայտարարել է, որ ԱՄՆ-ի և Իրանի միջև բանակցությունները, որոնցում որպես միջնորդ հանդես է գալիս Պակիստանը, համաձայնության հասնելու համար լրացուցիչ ժամանակ են պահանջում։ Այդ հայտարարությունը հնչել է այն բանից մեկ օր անց, երբ ԱՄՆ նախագահ Դոնալդ Թրամփը հայտնել էր հնարավոր հարվածների հետաձգման մասին՝ դիվանագիտական գործընթացին հնարավորություն տալու նպատակով։
«Մենք աջակցում ենք Պակիստանի դիվանագիտական ջանքերին, որը կողմերի մերձեցման և լուծում գտնելու լուրջ տրամադրվածություն է ցուցաբերել, և մենք իսկապես կարծում ենք, որ այս գործընթացին ավելի շատ ժամանակ է անհրաժեշտ»,- հայտարարել է Կատարի ԱԳՆ մամուլի քարտուղար Մաջեդ ալ-Անսարին։