«Հայաստան» դաշինքի ներկայացուցիչները՝ Հայաստանի երկրորդ նախագահ, վարչապետի թեկնածու Ռոբերտ Քոչարյանի գլխավորությամբ, հանդիպում են անցկացնում Գյումրիի բնակիչների հետ։
Քաղաքական գործչին դիմավորել են առաջիկա ընտրություններում նրանց քվեաթերթիկի համարը պատկերող բազմաթիվ պաստառներով, նրա լուսանկարներով և բուռն ծափահարություններով։
«Մարտական ե՞ք տրամադրված,- հարցրել է Քոչարյանը։ -Ինչպես միշտ»,- հնչել է պատասխանը։
Դաշինքի ներկայացուցիչները քայլել են քաղաքի փողոցներով՝ կենտրոնական հրապարակից մինչև դրամատիկական թատրոնին հարակից հրապարակ, և շփվել բնակիչների հետ։ Մարդիկ մոտենում էին, բարևում, սեղմում Քոչարյանի ձեռքը և լուսանկարվում նրա հետ։ Վարորդները ողջունում էին ավտոմեքենաների ձայնային ազդանշաններով։