Միացյալ Նահանգները պատրաստ է Իրանի շուրջ հակամարտության դիվանագիտությանը հնարավորություն տալ մինչև հաջորդ շաբաթվա սկիզբը՝ հետաձգելով ռազմական գործողությունների վերսկսումը մինչ այդ։ Այս մասին հայտարարել է ԱՄՆ-ի նախագահ Դոնալդ Թրամփը։ «Ես խոսում եմ երկու կամ երեք օրվա մասին։ Հնարավոր է՝ ուրբաթ, շաբաթ, կիրակի։ Հնարավոր է՝ հաջորդ շաբաթվա սկզբին։ Սահմանափակ ժամանակ։ Որովհետև նրանք չեն կարող միջուկային զենք ունենալ»,- պարզաբանել է նա՝ Սպիտակ տանը պատասխանելով լրագրողների հարցերին այն մասին, թե որքան ժամանակ է պատրաստ սպասել, նախքան Իրանի դեմ ռազմական գործողությունների վերսկսման հրաման տալը։
Երկուշաբթի օրը ամերիկացի առաջնորդը հայտարարել է, որ որոշել է հետաձգել Իրանի դեմ ռազմական գործողությունների վերսկսումը Կատարի, ԱՄԷ-ի և Սաուդյան Արաբիայի խնդրանքով՝ հղում անելով Թեհրանի հետ համաձայնության հասնելու հնարավորությանը։