ՀՀԿ Գործադիր մարմնի անդամ Էդուարդ Շարմազանովի ֆեյսբուքյան գրառումը․ «Վայ Նիկոլ, Նիկոլ… ինչպես Շուշին ու Հադրութն է դեօկուպացրել, այդպես էլ վիզաների ազատականացում է բերելու։
Կարդում եմ Փաշինյանին ու ի՞նչ:
Մարդն ականջահաճո բաներ է ասում, քիչ է մնում ես էլ հավատամ։
Ասում է՝ ամենաշատը երկու տարում ԵՄ-ի հետ վիզաների ազատականացում է լինելու։
Մեկը չկա՞, ասի՝ այ ընկեր, 2021-ին էլ ասում էիր՝ գերիները 1-2 ամսից կգան, 5 տարի անցավ է:
Կամ 2021-ին ասում էր՝ Արցախում ապագա կա, կա ապագա:
Հիմա ոչ Արցախ կա ու ոչ էլ՝ ապագա։
Կամ ասում էր՝ Շուշիի ու Հադրութի դեօկուպացիա։
Էն էլ դեօկուպացիայի փոխարեն Նիկոլը բերեց ամբողջ Արցախի ու ՀՀ 240 քառ.կմ -ի օկուպացիա։
Ոտքի վրա նոր սուտն էլ բռնվեց։
Նիկոլը հայտարարում է՝ System of a Down խումբը գալիս է Երևան հուլիսին, բայց քիչ հետո պաշտոնապես հայտարարվում է, որ հուլիսին նման համերգ չի կայանալու։
Ասածս ի՞նչ է. Նիկոլն ինչ ասում է, դրա հակառակն է լինում։
Հիմա ինչքան գոռում է «խաղաղություն», այնքան պատերազմը կարող է մոտեցնել»: