Եվրահանձնաժողովի (ԵՀ) ղեկավար Ուրսուլա ֆոն դեր Լայենը երեքշաբթի՝ մայիսի 26-ին, կմեկնի Լիտվա՝ անօդաչու թռչող սարքերի (ԱԹՍ) հետ կապված միջադեպերը քննարկելու համար։ Այդ մասին մայիսի 24-ին հայտնել է Politico թերթը՝ հղում անելով աղբյուրներին։
«Ակնկալվում է, որ ֆոն դեր Լայենը կհանդիպի Բալթյան երկրների պետությունների և կառավարությունների ղեկավարների հետ՝ պատասխան միջոցները համակարգելու համար։ Պաշտպանության և տիեզերքի հարցերով եվրահանձնակատար Անդրյուս Կուբիլյուսը նույնպես կայցելի Լիտվա», — ասվում է հրապարակման մեջ։
Նշվում է, որ այցի շրջանակում, բացի Բալթյան երկրներին աջակցություն հայտնելուց, հիմնական ուշադրությունը կկենտրոնանա ընդհանուր պաշտպանական կարողությունների ուժեղացման վրա՝ հանձնաժողովի ֆինանսավորման և պլանավորման ոլորտներում առանցքային նախաձեռնությունների միջոցով։