ԱՄՆ պետքարտուղար Մարկո Ռուբիոյի Հայաստան այցին ընդառաջ Ամերիկայի հայկական համագումարը ողջունում է հայ-ամերիկյան հարաբերությունների շարունակական ամրապնդումն ու երկու երկրների միջև բարձր մակարդակի փոխգործակցությունը: Միևնույն ժամանակ, համագումարը շարունակում է խորապես մտահոգված մնալ Ադրբեջանում ապօրինի պահվող հայ քրիստոնյա պատանդներին ազատ արձակելու Բաքվի շարունակական մերժմամբ և նրանց անհապաղ և անվերապահ ազատ արձակելու կոչ է անում: