Հայաստանը շարունակում է մասնակցել ՀԱՊԿ մշտական ներկայացուցիչների ամենշաբաթյա նիստերին, հայտարարել է կազմակերպության գլխավոր քարտուղար Թաալաթբեկ Մասադիկովը։
«Այսօրվա դրությամբ, քանի դեռ հայկական կողմը չի կայացրել իր որոշումը, այն Հավաքական անվտանգության պայմանագրի կազմակերպության լիիրավ անդամ է։ Ուստի նրանք ամեն շաբաթ ներկա են մշտական ներկայացուցիչների հավաքներին, մենք տեղեկատվության և փաստաթղթերի փոխանակում ենք իրականացնում», – ասել է ՀԱՊԿ գլխավոր քարտուղարը «Սոյուզնի» հեռուստաալիքին։ Նա ընդգծել է, որ «ամեն ինչ ընթանում է նորմալ ռեժիմով»։
ՀԱՊԿ անդամ են Հայաստանը, Ռուսաստանը, Բելառուսը, Ղազախստանը, Ղրղզստանը և Տաջիկստանը։ 2024 թվականին Հայաստանը սառեցրել է իր մասնակցությունը կազմակերպությանը։