Արամ Մելիքյանի կինը՝ Լիլիթը, և դուստրը՝ Ստելլան, օրերս մեկնել են համատեղ հանգստի: Մայր ու դուստր ակտիվորեն կիսվում են իրենց ճամփորդական առօրյայով՝ սոցիալական հարթակների իրենց էջերում հրապարակելով ջերմ, գեղեցիկ ու ուրախ լուսանկարներ ու տեսանյութեր, որոնք մեծ հետաքրքրություն են առաջացրել հետևորդների շրջանում:
Այնուամենայնիվ, այս տոնական ու անհոգ կադրերը համացանցում կրկին թեժացրել են ընտանեկան հարաբերությունների շուրջ պտտվող հին խոսակցությունները:
Հետևորդների աչքից չի վրիպել այն հանգամանքը, որ հրապարակված բազմաթիվ կադրերից և ոչ մեկում չի երևում Ստելլայի քույրը՝ բլոգեր Էլիզ Մելիքյանը: Այս փաստը կրկին առիթ է տվել, որպեսզի օգտատերերը սկսեն քննարկել ընտանիքում հնարավոր տարաձայնությունների թեման:
Իրավիճակն առավել խորհրդավոր է դառնում նրանով, որ Էլիզը սոցիալական հարթակներում չի հետևում ընտանիքի անդամների պաշտոնական էջերին, ինչն իր հերթին սնում է համացանցային կասկածները:
Չնայած երկրպագուների ակտիվ քննարկումներին և տարբեր վարկածներին՝ ընտանիքի անդամներից որևէ մեկը հրապարակային որևէ հայտարարություն կամ պարզաբանում չի արել իրենց փոխհարաբերությունների վերաբերյալ:
Թե՛ Լիլիթն ու Ստելլան, և թե՛ Էլիզը նախընտրում են սոցցանցերում պահպանել լռություն անձնական թեմաների շուրջ, ուստի շրջանառվող բոլոր լուրերն ու ենթադրությունները ներկա պահին մնում են միայն վարկածների մակարդակում:
Մինչ համացանցը փորձում է բացահայտել ընտանեկան գաղտնիքները, Լիլիթն ու Ստելլան շարունակում են վայելել իրենց ծովափնյա հանգիստն ու երկրպագուներին պարգևել արևային ու պոզիտիվ տրամադրություն: