Այսօր Ռուսաստանից Ադրբեջանի տարածքով Հայաստան կուղարկվի գյուղատնտեսական արտադրանքի և պարարտանյութերի ևս մեկ խմբաքանակ։
Չորս վագոն՝ երկուսը ցորենով և երկուսը պարարտանյութով բեռնված, կմեկնեն Ադրբեջանի Բիլաջարի կայարանից, հայտնում են ադրբեջանական ԶԼՄ-ները։
Երթուղին կանցնի ադրբեջանա-վրացական սահմանով, որից հետո բեռը Վրաստանի տարածքով կտեղափոխվի դեպի Հայաստան։
Ավելի վաղ Ռուսաստանից Ադրբեջանի տարածքով Հայաստան է ուղարկվել ավելի քան 28,000 տոննա ցորեն, ավելի քան 4,000 տոննա պարարտանյութ, 133 տոննա ալյումին և 68 տոննա հնդկացորեն։