ԵՐԵՎԱՆ, 3 հունիսի․/ԱՌԿԱ/․ Բանկային համակարգի միջոցով արտերկրից Հայաստան ֆիզիկական անձանց անունով ստացված անդրսահմանային փոխանցումների զուտ ներհոսքը 2026 թվականի հունվար-ապրիլին կազմել է 728,1 մլն դոլար՝ 2025 թվականի հունվար-ապրիլի 273,4 մլն դոլարի դիմաց, նշվում է հանրապետության Կենտրոնական բանկի հաշվետվության մեջ։
Այսպիսով, տվյալ ցուցանիշը տարեկան կտրվածքով աճել է 2,66 անգամ։
Ընդ որում, միայն ապրիլին դրամական փոխանցումների զուտ ներհոսքը կազմել է 269,916 մլն դոլար՝ անցյալ տարվա ապրիլի 129,718 մլն դոլարի դիմաց։
Միաժամանակ ՀՀ բանկային համակարգի միջոցով արտերկրից ֆիզիկական անձանց անունով ստացված անդրսահմանային փոխանցումների ներհոսքն այս տարվա 4 ամիսներին կազմել է 2,08 մլրդ դոլար՝ անցյալ տարվա 4 ամիսների 1,77 մլրդ դոլարի դիմաց։
Դեպի Հայաստան փոխանցումների գծով առաջատարների թվում են Ռուսաստանը՝ 1,32 մլրդ դոլարով, և ԱՄՆ-ը՝ 269,6 մլն դոլարով։ Ընդ որում, Ռուսաստանը և ԱՄՆ-ը Հայաստան փոխանցումների գծով առաջատարներ են եղել նաև 2025 թվականի հաշվետու ժամանակահատվածի արդյունքներով (համապատասխանաբար՝ 1,15 մլրդ դոլար և 210,3 մլն դոլար)։
Միաժամանակ, ՀՀ բանկային համակարգի միջոցով ֆիզիկական անձանց կողմից Հայաստանից արտերկիր կատարված փոխանցումների արտահոսքը 2026 թվականի հունվար-ապրիլին կազմել է 1,35 մլրդ դոլար՝ 2025 թվականի նույն ժամանակահատվածի 1,5 մլրդ դոլարի դիմաց։
Հայաստանից արտերկիր կատարված փոխանցումների գծով հաշվետու ամիսներին առաջատար են եղել ԱՄՆ-ն (247,7 մլն դոլար) և ԱՄԷ-ն (173,2 մլն դոլար)։ 2025 թվականի հունվար-ապրիլին առաջատարներն էին Շվեյցարիան (289,6 մլն դոլար) և ԱՄԷ-ն (237,7 մլն դոլար)։