Oragir.News-ի «Ըստ էության» հաղորդաշարի տաղավարում հյուրընկալել ենք «Բժշկի ձայն» նախաձեռնության անդամ, բժիշկ Գևորգ Գրիգորյանին:
Նրա հետ խոսել ենք առողջության ապահովագրության, Անահիտ Ավանեսյանի 100 օրն ամփոփելու, ավելի քան 600 հազար քաղաքացու առողջության ապահովագրության համակարգից օգտվելու հայտարարության, շարքային քաղաքացու համար ծրագրի արդյունավետության, համակարգի ներդրմամբ սոցիալական անհավասարության, Անահիտ Ավանեսյանին բանավեճի հրավիրելու, առողջապահության ոլորտում բազմաթիվ խնդիրներով հանդերձ Ավանեսյանի երկարակեցության «ֆենոմենի» և մի շարք այլ հարցերի շուրջ։
«Մեր իշխանությունը այսօր ուժեղ չի, իրենց ուժը ներում է միայն ուժային կառույցներով ֆիզիկական ճնշման ենթարկել մարդկանց, բանտարկել ընդդիմախոսներին, ծեծել, ձեռքերը բռնել, թքել վրեն։ Իրենք գաղափարապես, բարոյապես, մտավոր ուժգնություն որևէ տեսակի չունեն»,- ասաց նա։
Ըստ Գրիգորյանի՝ ներդրված համակարգով սոցիալակն արդարություն չկա։
«Սոցիալական արդարությունը նախատեսում է, որ հարուստը պետք է վճարի աղքատի տեղը, առողջը պետք է վճարի հիվանդի տեղը և այլն, բայց մենք ունենք հստակ երկու ցուցանիշ, որոնցով կարող ենք պնդել և ապացուցել, որ ներդրված համակարգը սոցիալական արդարություն չի բերում, ներդրված համակարգը բերում է քվեներ գործող իշխանությանը»,- նշեց նա։
Մանրամասները՝ տեսանյութում․