Իրանի արտգործնախարար Աբաս Արաղչին հեռախոսազրույց է ունեցել Ադրբեջանի արտգործնախարար Ջեյհուն Բայրամովի հետ, որի ընթացքում կողմերը քննարկել են երկկողմ հարաբերությունների առանցքային հարցերը, ինչպես նաև Արևմտյան Ասիայի տարածաշրջանում լարվածության նվազեցմանն ուղղված ընթացիկ դիվանագիտական ջանքերը:
Ինչպես հայտնում է Mehr գործակալությունը, հինգշաբթի երեկոյան կայացած զրույցի ընթացքում Իրանի և Ադրբեջանի արտգործնախարարները մտքեր են փոխանակել տարածաշրջանային լարվածության թուլացմանն ուղղված վերջին նախաձեռնությունների և դիվանագիտական քայլերի շուրջ:
Կողմերն անդրադարձել են նաև Թեհրանի և Բաքվի միջև երկկողմ համագործակցության զարգացմանը վերաբերող հարցերին։