Թուրքիայի հարավ-արևելքում գտնվող ավագ դպրոցներից մեկում նախկին աշակերտը կրակ է բացել՝ վիրավորելով առնվազն 16 մարդու, ապա ինքնասպան լինելով․ գրում է Associated Press-ը։
18-ամյա հարձակվողը, զինված որսորդական հրացանով, պատահական կրակոցներ է արձակել Շանլըուրֆա նահանգի Սիվերեկ քաղաքի ավագ դպրոցի ուղղությամբ․ կրակոցներից հետո նա թաքնվել է շենքի ներսում։ Ավելի ուշ նա ինքնասպան է եղել նույն որսորդական հրացանով․ ասել է նահանգապետ Հասան Սիլդակը։
NTV հեռուստաալիքը հայտնել է, որ վիրավորների թվում է ուսուցիչներից մեկը․ նրա վիճակը ծանր է։
Հարձակման դրդապատճառը դեռևս անհայտ է։