Իրանի զինված ուժերը հակառակորդի համար տարածաշրջանը «դժոխքի» կվերածեն, եթե վերջինս կրկնի իր սխալը։ Դրա մասին հայտարարել է Իրանի Ազգային անվտանգության գերագույն խորհրդի (ԱԱԳԽ) քարտուղար Մոհամմադ Բաղեր Զոլկադրը՝ ցավակցություն հայտնելով Լիբանանում մարտիկների զոհվելու կապակցությամբ, հաղորդում է Mehr գործակալությունը։
Համապատասխան գրառումը պաշտոնյան կատարել է սոցիալական ցանցերում այն բանից հետո, երբ Իրանը կասեցրել է իր հրթիռային հարվածները Իսրայելի ուղղությամբ։
«Եթե չարագուշակ սիոնիստա-ամերիկյան կոալիցիան ևս մեկ սխալ թույլ տա, տարածաշրջանը նրա համար դժոխքի կվերածվի»,- ընդգծել է ԱԱԳԽ քարտուղարը։
Զոլկադրը հատուկ նշել է ընթացիկ դիմակայության պատմական նշանակությունը։
«Քառասունյոթ տարին [1979 թվականի իսլամական հեղափոխության պահից ի վեր] և դիմադրության հարյուր օրը [փետրվարի 28-ին ագրեսիայի սկսվելուց ի վեր]՝ մարտի դաշտերից մինչև քաղաքային հրապարակներ, քաղաքային հրապարակներից մինչև քաղաքականության ու դիվանագիտության դաշտեր, ամբողջությամբ փոխակերպել են համաշխարհային կարգն անվտանգության ոլորտում»։
«Եթե չարագուշակ սիոնիստա-ամերիկյան կոալիցիան ևս մեկ սխալ թույլ տա, տարածաշրջանը նրա համար դժոխք կդառնա։ Խաղաղություն Դահիայի [Բեյրութի հարավային արվարձան] նահատակներին»։