Նկատելի աճ Ուոլ Սթրիթում՝ Իրանի ռմբակոծումը չեղարկելու Թրամփի որոշման ֆոնին

ԱՄՆ ֆոնդային ինդեքսները հինգշաբթի օրվա առևտրաշրջանն ավարտել են զգալի աճով՝ ավելի բարձր վերելք գրանցելով այն բանից հետո, երբ ԱՄՆ նախագահ Դոնալդ Թրամփը չեղարկել է Իրանի դեմ ծրագրված հզոր հարվածը և հայտարարել, որ Թեհրանի հետ խաղաղ համաձայնագրի կնքումը շատ մոտ է։

S&P 500 ինդեքսը սակարկությունների ավարտին բարձրացել է 1,75 տոկոսով՝ հասնելով 7.394,30 կետի, Dow Jones-ը աճել է 1,86 տոկոսով՝ մինչև 50.848,75 կետ, իսկ Nasdaq-ը՝ 2,54 տոկոսով՝ մինչև 25.809,66 կետ։