ԱՄՆ-ի Արիզոնա նահանգում անսովոր միջադեպ է տեղի ունեցել ծառ բարձրացած արջին տարհանելու փրկարարական գործողության ընթացքում, հայտնում է Sky News-ը։
Կենդանուն մասնագետները քնեցրել էին, ինչից հետո այն ծառից ընկավ նախապես ձգված բրեզենտի վրա։ Սակայն գործողության մասնակիցներից մեկը չկարողացավ պահել հավասարակշռությունը և ծածկոցի հետ միասին ընկավ ուղիղ արջի վրա։
Միջադեպը տեսանկարահանվել է և արագ տարածվել սոցիալական ցանցերում։ Չնայած անհաջող վայրէջքին՝ ոչ մարդիկ, ոչ էլ կենդանին լուրջ չեն տուժել։ Դրանից հետո արջին բարեհաջող դուրս են բերել բնակելի թաղամասից։