Ինտենսիվ բանակցություններից հետո ուրախ ենք հայտնել, որ Ամերիկայի Միացյալ Նահանգների և Իրանի Իսլամական Հանրապետության միջև խաղաղության համաձայնագիրը ձեռք է բերվել, X սոցիալական ցանցում գրել է Պակիստանի վարչապետ Շեհբազ Շարիֆը։
«Երկու կողմերն էլ հայտարարել են բոլոր ճակատներում, այդ թվում՝ Լիբանանում, ռազմական գործողությունների անհապաղ և վերջնական դադարեցման մասին։ Ստորագրման պաշտոնական արարողությունը տեղի կունենա ուրբաթ՝ հունիսի 19-ին, Շվեյցարիայում։ Մենք կցանկանայինք շնորհակալություն հայտնել Ամերիկայի Միացյալ Նահանգներին և Իրանի Իսլամական Հանրապետությանը՝ հակամարտության դիվանագիտական լուծում գտնելու իրենց հանձնառության համար։
Following intensive talks, we are pleased to announce that the Peace Deal between the United States of America and Islamic Republic of Iran has been REACHED. Both sides have declared the immediate and permanent termination of military operations on all fronts, including in…
— Shehbaz Sharif (@CMShehbaz) June 14, 2026
Մենք նաև կցանկանայինք հայտնել մեր անկեղծ երախտագիտությունը այս միջնորդական ջանքերում մեր եղբայրներին՝ Կատարի Պետության մեծ ղեկավարությանը, այս համաձայնագրի ձեռքբերմանն աջակցելու համար։
Կցանկանայի նաև առանձնահատուկ շնորհակալություն հայտնել Սաուդյան Արաբիայի Թագավորության և Թուրքիայի Հանրապետության հեռատես ղեկավարությանը՝ այս հարցում նրանց հսկայական ներդրման համար։ Քանի որ համաձայնագիրն արդեն կնքվել է, միջնորդներն այս շաբաթ կանցկացնեն մի շարք հանդիպումներ։ Այս նախնական քննարկումները հիմք կդնեն տեխնիկական բանակցությունների և ստորագրման պաշտոնական արարողության համար», – նշել է Շարիֆը։