Վաշինգտոն նահանգում բռնկված անտառային հրդեհների հետևանքով առնվազն 15 բնակելի տուն է մոխրացել։ Այս մասին հայտնում է «NBC News»-ը։
Անտառները հրդեհվել են տարածաշրջանի արևելյան հատվածում՝ հարևան Այդահո նահանգի սահմանին։ Կրակի մարման աշխատանքներում ներգրավված են երկու նահանգների հրշեջները, գործի է դրվել նաև ավիացիա։
Վերջին տվյալներով՝ հրդեհն ամբողջությամբ ոչնչացրել է առնվազն 15 բնակելի տուն։ Շուրջ 1500 բնակիչ պարտադիր տարհանման հրաման է ստացել, նրանց տեղափոխում են անվտանգ շրջաններ։ Զոհերի կամ տուժածների մասին տեղեկություններ դեռևս չեն ստացվել։