Վրաստանի շրջակա միջավայրի պահպանության և գյուղատնտեսության նախարարությունը հերքել է այն տեղեկությունները, թե հայկական գյուղատնտեսական արտադրանքը, այդ թվում՝ ելակը, արտահանվում է Ռուսաստան Վրաստանի տարածքով։
Գերատեսչությունից հայտնել են, որ նման պնդումները կրում են սպեկուլյատիվ բնույթ, չեն համապատասխանում իրականությանը և կարող են բացասաբար անդրադառնալ երկու երկրների միջև տնտեսական հարաբերությունների վրա։
Վրացական կողմը նաև մտահոգություն է հայտնել հարևան երկրում ներքաղաքական պայքարի շրջանակում նման հայտարարությունների օգտագործման առնչությամբ և ընդգծել է Վրաստանին իր հետ կապ չունեցող քաղաքական գործընթացներում ներգրավելու անթույլատրելիությունը։