ԱՄՆ-ի և Իրանի միջև տեխնիկական բանակցությունները՝ խաղաղության հուշագրի շրջանակում, կկայանան հունիսի 21-ին Շվեյցարիայի Բյուրգենշտոկ քաղաքում. հայտնում է Պակիստանի արտաքին գործերի նախարարությունը X սոցիալական ցանցում։
Ըստ հայտարարության՝ քննարկումներին կմասնակցեն ԱՄՆ-ի և Իրանի ներկայացուցիչները, ինչպես նաև Պակիստանի և Քաթարի միջնորդները։ Իսլամաբադը կշարունակի աջակցել բանակցային գործընթացին, ընդգծել են Պակիստանի ԱԳՆ-ից։
Սկզբում Թեհրանի և Վաշինգտոնի ներկայացուցիչների հանդիպումը նախատեսված էր հունիսի 19-ին, սակայն այն հետաձգվել է։
Financial Times-ի և CNN-ի տվյալներով՝ պատճառը Իսրայելի կողմից Լիբանանի ուղղությամբ իրականացված մի շարք հարվածներն են, որոնք հակասում են նախկին պայմանավորվածություններին։