Մի շարք չինական պետական ավիաընկերություններ վերջին օրերին սկսել են չեղարկել միջազգային չվերթները։ Չեղարկումների հիմնական պատճառը համաշխարհային վառելիքի գների կտրուկ աճն է, որն ազդում է ավիափոխադրումների ծախսերի վրա։
Չեղարկումները հատկապես ազդել են Հարավարևելյան Ասիայի և Ավստրալիայի ուղղությունների վրա, որոնք ավանդաբար մեծ պահանջարկ ունեն զբոսաշրջիկների շրջանում։
CNN-ին տասից ավելի չինացի ուղևորներ հայտնել են, որ վերջին օրերին իրենց չվերթները դեպի հայտնի հանգստավայրեր անսպասելիորեն չեղարկվել են տարբեր ավիաընկերությունների կողմից։
Փոփոխությունները բազմաթիվ ուղևորների համար լուրջ դժվարություններ են ստեղծել՝ խախտելով նրանց ծրագրերը։
Ավիաընկերությունները չեղարկված չվերթների կամ դրանց հնարավոր վերականգնման վերաբերյալ դեռևս բացատրություն չեն տվել։