Ավստրալական հանրահայտ Qantas ավիաընկերությունը պաշտոնապես հայտարարել է աշխարհի ամենաերկար ուղիղ չվերթի մեկնարկի մասին, որը կապելու է Սիդնեյն ու Լոնդոնը, ընդ որում՝ այս աննախադեպ անդրօվկիանոսյան թռիչքը կտևի մոտավորապես 20 ժամ, իսկ դրա առաջին պատմական մեկնումը ծրագրված է իրականացնել 2027 թվականի հոկտեմբերին, ինչը ճանապարհորդներին հնարավորություն կտա մեկ անընդմեջ թռիչքի ընթացքում երկու անգամ վայելել արևածագը:
Այս նախագծի մասին հաղորդում է Daily Mail պարբերականը՝ մանրամասնելով, որ նման տևական երթուղին հնարավոր դարձնելու համար Airbus ընկերությունը հատուկ փոփոխությունների է ենթարկել իր հզոր A350-1000ULR ինքնաթիռը։ Արդիականացման շրջանակներում էականորեն մեծացվել է օդանավի վառելիքի տարողունակությունը, իսկ ուղևորների առավելագույն քանակը կրճատվել է՝ հասցվելով մինչև 238-ի:
Բացի այդ, ուղևորների հարմարավետությունն ապահովելու և երկարատև թռիչքի հետևանքով առաջացող հոգնածությունը նվազեցնելու նպատակով օդանավի սրահում կավելացվի հատուկ տաքացման գոտի, իսկ ներքին լուսավորությունն ու մատուցվող ճաշացանկը հատուկ կհարմարեցվեն մարդու կենսաբանական ռիթմերին։