Վենեսուելայում տեղի ունեցած երկրաշարժից հետո զոհերի և ավերածությունների չափերի վերաբերյալ պաշտոնական տվյալներն առայժմ սահմանափակ են։ Այս մասին նշված է Վենեսուելայի Կարմիր խաչի հայտարարության մեջ։
«Ներկայումս շարունակվում է մարդասիրական հետևանքների ամբողջական չափի գնահատումը։ Զոհերի, տեղահանված անձանց և ենթակառուցվածքներին հասցված վնասների վերաբերյալ պաշտոնական տեղեկատվությունը զդեռևս սահմանափակ է»,- ասվում է տեքստում։
Կազմակերպության տվյալներով՝ երկրաշարժի հետևանքով վնասվել են բնակելի և կոմերցիոն շենքեր։ Կարակասի առանձին շրջաններից հաղորդվում է կառույցների փլուզման մասին, իսկ աղետից տուժած մի քանի վայրերում արձանագրվել են ենթակառուցվածքային օբյեկտների վնասումներ։ Բացի այդ, որոշ բնակավայրերում նկատվում են էլեկտրամատակարարման և կապի խափանումներ։
Կարմիր խաչից նշել են, որ իրենք ահազանգեր են ստանում «սոցիալական կարևորագույն ենթակառուցվածքների, այդ թվում՝ օդանավակայանի և հիվանդանոցների լուրջ վնասվածքների մասին»։ Արձանագրվում են նաև կոմունալ ծառայությունների մատուցման խափանումներ կամ դրանց ամբողջական դադարեցում։