Հայաստանի արդարադատության նախարարությունը լրացուցիչ 100 էլեկտրոնային ապարանջան է ձեռք բերելու՝ վարչական հսկողության իրականացման համար։ Համապատասխան որոշումն ընդունվել է Հայաստանի Կառավարության հունիսի 25-ի նիստում։
Դեռևս 2025 թվականի փետրվարին Կառավարությունը 2 հազար հսկողական ձեռնաշղթայի մատակարարման պայմանագիր էր կնքել լեհական «Enigma» ընկերության հետ (1000-ական հատ՝ տնային կալանքի և վարչական հսկողության համար, որի դեպքում անձին արգելվում է որոշակի ժամերի դուրս գալ տնից և այցելել առանձին վայրեր)։
Այս նպատակով Արդարադատության նախարարությունը նախատեսվող շուրջ 330 միլիոն դրամով ևս 400 էլեկտրոնային ձեռնաշղթա կպատվիրի լեհական ընկերությունից, որոնցից 100-ը՝ վարչական հսկողության, իսկ 300-ը՝ տնային կալանքի համար։
Վերջին տարիներին Հայաստանում ընդլայնվել է քրեական գործերով անցնող անձանց նկատմամբ այլընտրանքային խափանման միջոցների կիրառումը։ Մասնավորապես՝ 2025 թվականին տնային կալանք կամ վարչական հսկողություն է կիրառվել 3692 անձի նկատմամբ, ինչը 70 տոկոսով ավելի է, քան 2024 թվականին։