Եվրոպական հանձնաժողովի նախագահ Ուրսուլա ֆոն դեր Լայենը հայտարարել է Եվրամիության և Ադրբեջանի միջև մի շարք կարևոր ոլորտներում գործընկերությունը խորացնելու ծրագրերի մասին․ այդ մասին պաշտոնյան գրել է X սոցիալական հարթակում։
«ԵՄ-ն հավատում է Հարավային Կովկասի պայծառ ապագային՝ միմյանց հետ կապված, խաղաղ և բարգավաճ։ Մենք ցանկանում ենք օգնել կառուցել այդ ապագան։ Ես նաև այստեղ եմ՝ ԵՄ-ի և Ադրբեջանի միջև գործընկերությունը խորացնելու համար՝ առևտրից մինչև տրանսպորտ, Էներգիայից մինչև տնտեսություն»,- գրել է նա։
Եվրոպական հանձնաժողովի նախագահ Ուրսուլա ֆոն դեր Լայենն աշխատանքային այցով գտնվում է Ադրբեջանում։