Կիևի վրա գիշերային հարձակումը հանգեցրել է հյուրանոցում հրդեհի բռնկման։ Դեպքի վայրում աշխատում են փրկարարները, հաղորդում է РБК-Украина-ն՝ հղում անելով Կիևի քաղաքային ռազմական վարչակազմի ղեկավար Տիմուր Տկաչենկոյին։
Պաշտոնյան տեղեկացրել է, որ հրդեհն արձանագրվել է Կիևի կենտրոնական՝ Շևչենկովսկի շրջանում։ Այժմ այնտեղ այրվում է հյուրանոցային տարածք։
Հրդեհը ուկրաինական մայրաքաղաքի վրա ռուսական հարձակման հետևանք է։
Կիևում և քաղաքի մատույցներում աշխատում են հակաօդային պաշտպանության ուժերը։