Ֆրանսիական ՊՍԺ-ն մտադիր է ամառային տրանսֆերային պատուհանի ընթացքում պայմանագիր կնքել Մադրիդի «Ռեալի» կիսապաշտպան Էդուարդո Կամավինգայի հետ։ Այս մասին հայտնում է The Touchline-ը:
Աղբյուրի համաձայն՝ փարիզյան ակումբը երիտասարդ կիսապաշտպանի տրանսֆերը գնելու հնարավորությունը կդիտարկի ընթացիկ մրցաշրջանի ավարտից անմիջապես հետո։ Հատկանշական է, որ ավելի վաղ Կամավինգայի թեկնածությունն առաջարկվել էր նաև Լոնդոնի «Արսենալին»:
Այս մրցաշրջանում Կամավինգան բոլոր մրցաշարերում ընդհանուր առմամբ անցկացրել է 33 հանդիպում՝ դառնալով 2 գոլի և 1 արդյունավետ փոխանցման հեղինակ: Ֆուտբոլիստի գործող պայմանագրի ժամկետը «արքայական» ակումբի հետ նախատեսված է մինչև 2029 թվականի ամառ:
Transfermarkt-ը ֆրանսիացու տրանսֆերային արժեքը գնահատում է 50 միլիոն եվրո: