«Իրանցի պաշտոնյաները բարձրագոչ հայտարարություններ են անում, քանի որ «նրանք ունեն մարդիկ, որոնց պետք է հաճոյանան։ Ես պարզապես ասում եմ այնպես, ինչպես կա։ Եթե մենք գործարք չկնքենք, մենք կստանանք միջուկային փոշի այլ տեսքով՝ շատ ավելի թշնամական ձևով», — զգուշացրել է Թրամփը։
Այս ֆոնին Իրանի կենտրոնական հրամանատարությունը հայտարարել է, որ Թրամփը չի կատարել իր պարտավորությունները, ուստի Հորմուզի նեղուցը կրկին փակ է, որի անցման համար անհրաժեշտ է Թեհրանի համաձայնությունը։
«Իրանի Իսլամական Հանրապետությունը, հետևելով բանակցությունների ընթացքում ձեռք բերված նախորդ համաձայնություններին, բարի կամքով համաձայնել է նավթային և առևտրային նավերի Հորմուզի նեղուցով սահմանափակ և վերահսկվող անցմանը։ Սակայն, ցավոք, ամերիկացիները, իրենց պարտավորությունների բազմաթիվ խախտումներով, շարունակում են զբաղվել ծովահենությամբ և ծովային կողոպուտով՝ այսպես կոչված շրջափակման պատրվակով: Այդ պատճառով Հորմուզի նեղուցի վերահսկողությունը վերադարձել է իր նախկին կարգավիճակին, և այս ռազմավարական նեղուցը գտնվում է զինված ուժերի խիստ կառավարման և վերահսկողության ներքո», — ասվում է Իրանի զինված ուժերի Հազրաթ Խաթամ ալ-Անբիա շտաբի հայտարարության մեջ: