Լիբանանի նախագահ Ժոզեֆ Աունը ԱՄՆ նախագահ Դոնալդ Թրամփի հրավերով մեկնել է Վաշինգտոն, հաղորդում է Al Jazeera-ն։
Նշվում է, որ Սպիտակ տանը տեղի կունենա երկկողմ գագաթնաժողով, «որի ընթացքում կքննարկվեն Լիբանանում տիրող իրավիճակը և հրադադարի ռեժիմի ամրապնդման հնարավոր ուղիները, Լիբանանում և մասնավորապես երկրի հարավում անվտանգության ու կայունության վերականգնումը, օկուպացված լիբանանյան շրջաններից իսրայելական զորքերի դուրսբերումն ու ողջ տարածքում պետական իշխանության տարածումը»։