Իտալիայի ներքին գործերի նախարարությունը կարգադրել է փակել երկրի ծովային և օդային սահմաններն Իսպանիայի հետ՝ ժամանակավորապես կասեցնելով երկու երկրների միջև ազատ տեղաշարժի մասին Շենգենյան համաձայնագրի գործողությունը, հայտնում է Euronews-ը։
Այդ որոշման մասին հինգշաբթի երեկոյան արդեն հայտարարել էին վարչապետ Մելոնին և փոխվարչապետներ Տայանին ու Սալվինին՝ իսպանական հյուսիսաֆրիկյան Սեուտա անկլավ հազարավոր ներգաթյալների ժամանումից հետո։
Որոշումը պաշտոնապես հաստատվել է ուրբաթ՝ Ներքին գործերի նախարարության նիստում, որը նախագահում էր ներքին գործերի նախարար Մատեո Պիանտեդոզին՝ միգրացիայի և սահմանների անվտանգության վերլուծության կոմիտեի գնահատականների հիման վրա։