Ավստրիայի կանցլեր Քրիստիան Շտոքերը Զալցբուրգում քաղաքացիների հետ հանդիպման ժամանակ միայնակ մայրերի ֆինանսական աջակցության մասին հարցին ի պատասխան հայտարարել էր, թե երեխաների խնամքը աշխատանք չի համարի, որովհետև ընտանեկան կյանքը ինչ-որ բան անելն է՝ առանց դրա դիմաց ոչինչ ստանալու, ինչն առաջացրել էր քաղաքական գործիչների և սոցցանցերի խիստ քննադատությունը։
Ինչպես հայտնում է DW-ն, Կանաչների խոսնակ Լեոնոր Գևեսլերի և Ազատության կուսակցության առաջնորդ Հերբերտ Կիկլի կողմից այս խոսքերը մայրերի ծաղր որակվելուց հետո Շտոքերը մեկ շաբաթ անց անվերապահ ներողություն է խնդրել՝ ընդունելով իր սխալը և ընդգծելով, որ երեխաների խնամքը իսկապես աշխատանք է, իսկ կանայք կատարում են հասարակության համար ամենակարևոր գործը։