Իշխանությունը նոր խորհրդարանի մեկնարկից ի վեր անընդհատ փորձում է ընդդիմադիր պատգամավորներից ՀՀ տարածքի ծավալի մասին խոսք պոկել: Այս մասին ֆեյսբուքյան իր էջում գրել է ԱԺ նախկին պատգամավոր Տիգրան Աբրահամյանը։
«Հանձնած տարածքների, կրած պարտության, հազարավոր զոհերի պատասխանատուներն իրենց արածի ու չարածի համար պատասխան տալու փոխարեն անցել են հարձակման՝ սեփական օրակարգով և ագրեսիվությամբ:
Ռեժիմը փորձում է «սվաղել» Արցախի և ՀՀ առանձին հատվածների զիջման հարցը, դաշտ բերել իր համար նպաստավոր օրակարգեր և փորձել դրանք փաթաթել հասարակությանը՝ որպես առաջնահերթ և անհետաձգելի քննարկման հարց»,- գրել է նա: