Author: Julbaz

Վարչապետ Փաշինյանը, Անտոնիու Կոշտան և Ուրսուլա ֆոն դեր Լայենը հանդես են գալիս հայտարարություններով: «Այսօր ԵՄ-ի կողմից հայտարարություն է ընդունվել, որով կոչ է արվում տնտեսվարողներին՝ ներդրումներ անել ՀՀ տնտեսության մեջ, այսինքն՝ ԵՄ-ն ամենաբարձր մակարդակով հրավիրում է տնտեսվարողներին՝ ներդրումներ անել ՀՀ-ում, սա պատմական նշանակություն ունեցող փաստ է, քանի որ նախկինում նման ուղերձ չենք լսել մեր միջազգային գործընկերներից»,- իր խոսքում ասել է Նիկոլ Փաշինյանը:

«Հայաստանում Նիկոլ Փաշինյանը չի ներկայացնում հայ ժողովրդին: Ավտորիտար ղեկավարներ տարբեր տեղերում կան, Նիկոլը միակ ավտորիտար ղեկավարն է, որ երկրի ներսում ավտորիտար է, երկրից դուրս՝ փիսիկ»,- այսօր ՀՀԿ-ի կազմակերպած բողոքի ակցիայի ժամանակ լրագրողների հետ զրույցում ասել է կուսակցության փոխնախագահ Արմեն Աշոտյանը։ «Բոլոր ավտորիտար ղեկավարները փորձում են ուժեղ տղա խաղալ նաև դրսում, Նիկոլը միակն է, որ ավտորիտար է միայն իր երկրի ներսում, որովհետև այդ ռեժիմն օկուպացիոն է, եթե նա լիներ նաև ավտորիտար դրսում՝ կասեինք լավ, ջանդամ, մեզ մի քիչ ճնշում ա, մեզ բանտեր ա գցում, բայց տեսեք՝ ազգի համար լավ գործ ա անում, Արցախ ա պաշտպանում, Սյունիք ա պաշտպանում, հայ եկեղեցուն տեղ ա տալիս, բայց թարսի պես ինքը տղա ա խաղում միայն ներսում…»,- նշել է ընդդիմադիր գործիչը։