Author: Julbaz

Էստեղ լինելու ա մեր սահմանապահ զորքերի ուղեկալը, տեղակայվում են կամաց-կամաց, շինարարություն է, սա Ոսկեպարից Բաղանիս տանող հատվածն է:

Այս մասին ֆեյսբուքյան ուղիղ եթերում ասել է Նիկոլ Փաշինյանը:

«Տեսեք սահմանը, փշալարերը սահմանի երևա՞ց, վերևում սահմանապահներն են, սահմանից մի քիչ այն կողմ մեր սահմանապահներն են ծառայություն իրականացնում, իմիջիայլոց, առանց սաղավարտի, առանց զրահաբաճկոնի, և՛ Ադրբեջանի կողմից, և՛ մեր կողմից ծառայությունն էդպես է պայմանավորվածության համաձայն իրականացվում, որը ևս մեկ վկայությունն է փոխադարձ երկկողմ վստահության, խաղաղության գործընթացի վերաբերյալ»,- ասել է Փաշինյանը:

«Սա շատ մեծ հաղթանակ ա և՛ Ադրբեջանի, և՛ Հայաստանի համար, որովհետև սրանով ա մեր պետություններն արձանագրում անկախությունը, ինքնիշխանությունը: Ո՞վ մտավախություն ունի այս ճանապարհով երթևեկելիս, ո՞վ, ոչ մեկ»,- նշել է նա:

Տեսանյութ:

Ավանդական կիրակնօրյա քարոզից հետո Հռոմի պապ Լևոն XIV-ը հիշեցրել է հավաքվածներին Չեռնոբիլի միջուկային աղետի տարելիցի մասին՝ կոչ անելով պատասխանատու օգտագործել միջուկային էներգիան աշխարհի բարօրության համար․ գրում է TACC-ը։

«Այսօր լրանում է Չեռնոբիլի ողբերգական վթարի 40-ամյակը, որը խոր հետք թողեց մարդկության խղճի վրա։ Այն շարունակում է հիշեցնել ավելի ու ավելի հզոր տեխնոլոգիաների օգտագործման հետ կապված ռիսկերի մասին»,- ասաց նա։

Լևոն XIV-ը հույս հայտնեց, որ որոշումների կայացման բոլոր մակարդակներում միշտ կգերակշռեն խոհեմությունն ու պատասխանատվությունը, որպեսզի միջուկային էներգիայի ցանկացած օգտագործում ծառայի կյանքին և խաղաղությանը։

Ավանդական կիրակնօրյա քարոզից հետո Հռոմի պապ Լևոն XIV-ը հիշեցրել է հավաքվածներին Չեռնոբիլի միջուկային աղետի տարելիցի մասին՝ կոչ անելով պատասխանատու օգտագործել միջուկային էներգիան աշխարհի բարօրության համար․ գրում է TACC-ը։

«Այսօր լրանում է Չեռնոբիլի ողբերգական վթարի 40-ամյակը, որը խոր հետք թողեց մարդկության խղճի վրա։ Այն շարունակում է հիշեցնել ավելի ու ավելի հզոր տեխնոլոգիաների օգտագործման հետ կապված ռիսկերի մասին»,- ասաց նա։

Լևոն XIV-ը հույս հայտնեց, որ որոշումների կայացման բոլոր մակարդակներում միշտ կգերակշռեն խոհեմությունն ու պատասխանատվությունը, որպեսզի միջուկային էներգիայի ցանկացած օգտագործում ծառայի կյանքին և խաղաղությանը։

Մոլդովայի նախագահ Մայա Սանդուն, Ուկրաինա այցի ընթացքում, Վլադիմիր Զելենսկու հետ քննարկել է հարցերի լայն շրջանակ, այդ թվում՝ երկու երկրների՝ ԵՄ-ին հնարավոր անդամակցության հարցը։

ՏԱՍՍ-ի փոխանցմամբ, Զելենսկին այս մասին գրել է իր Telegram ալիքում։

«Մայայի հետ մենք կենտրոնացել ենք անվտանգության հարցերի, սահմանային համագործակցության, ենթակառուցվածքների պաշտպանության և զարգացման, էներգետիկայի վրա, ինչպես նաև մանրամասն քննարկել ենք մեր համատեղ շարժումը դեպի Եվրամիություն»,- գրել է Զելենսկին։

ՀՀ 2-րդ նախագահ Ռոբերտ Քոչարյանը ռուսական RTVI-ին տված հարցազրույցում հայտարարել է, որ հետահայաց ամենից շատ զղջում է իր իրավահաջորդի ընտրության համար։ Նրա հայտարարությանը արձագանքել է նաև Սերժ Սարգսյանը՝ նշելով, որ նման գնահատականներ վաղուց է լսել։

Oragir.News-ը շրջել է մայրաքաղաքի փողոցներում և հարցրել քաղաքացիներին. «Ձեր կարծիքով, ի՞նչ է արել Սերժ Սարգսյանը, որ Ռոբերտ Քոչարյանն ափսոսում է իշխանությունը նրան փոխանցելու համար»։

Քաղաքացիների կարծիքները տարբեր էին։

«Երկուսով էլ մի բան են, ոչ մի տարբերություն»,- ասաց մի կին։

Մեկ այլ կին նշեց․ «Հետ չի տվել իրան»։

Մի տղամարդ կարծիք հայտնեց․ «Սերժ Սարգսյանի ախպերների մաֆիան շատ ուժեղ էր»։

Մեկ այլ հարցված հետաքրքիր ձևակերպում արեց․ «Լևոն Տեր-Պետրոսյանը տված էր որպես Լև՝ թագավոր, Ռոբերտ Քոչարյանը՝ որպես Ղարաբաղցի, Սերժ Սարգսյանը՝ սեր բառի համար, իսկ Նիկոլ Փաշինյանը չեմ կարող ասել»։

Մի տղամարդ էլ նշեց․ «Իրար հետ չունեն, դրա համար»։

«Ես Ռոբերտ Քոչարյանին հարգում եմ, կարծում եմ՝ անտեղի բան չէր ասի»,- ասաց անցորդներից մեկը:

Երիտասարդներից մեկը փորձեց ավելի հավասարակշռված մոտեցում ցուցաբերել․ «Երևի հակասություններ են եղել՝ մասամբ անձնական, մասամբ աշխարհաքաղաքական»։

Մեկ այլ կին ասաց․ «Ես կուզենայի, որ Ռոբերտ Քոչարյանը գար իշխանության, միայն ինքը։ Նրա օրոք երկիրը ծաղկում էր, մարդիկ հպարտ էին»։

Մանրամասները՝ տեսանյութում։

Իրինա Ատանյան

Հաղորդավար և պրոդյուսեր Արա Ղազարյանը սոցիալական հարթակներում խիստ քննադատության է ենթարկել ապրիլի 24-ին հաջորդած զվարճանքի միջոցառումները Երևանում։ Նա իր գրառման մեջ անդրադարձել է Հայոց ցեղասպանության հիշատակի օրվա խորհրդին և այն հակադրել հասարակության մի հատվածի պահվածքին։

Ղազարյանը համոզմունք է հայտնել, որ արժեքային համակարգի փոփոխությունը կարող է հասնել նրան, որ հաջորդ տարի հենց ապրիլի 24-ին նշվի «քաղաքացու օրը»։

Նա չի խնայել կոշտ որակումներն այն մարդկանց հասցեին, ովքեր հիշատակի օրվանից անմիջապես հետո մասնակցում են զվարճանքների:

«25-ին նշող անուղեղ մասսայի համար վաղուց 24-ը որևէ խորհուրդ չունի։ Նիկոլի միակ լավ գործն այն է, որ բացահայտեց ու ջրի երես հանեց գետնախորշերում ծպտյալ ապրած հայի այս տեսակը»,- գրել է պրոդյուսերը։

Արա Ղազարյանն իր խոսքում հղում է արել Գարեգին Նժդեհին՝ նշելով, որ այսօրվա իրականությունը թույլ է տալիս տեսնել այն տեսակին, որին ժամանակին բնորոշել էր զորավարը։

«Վերջապես մենք հասկացանք՝ ինչպիսի տեսք ունի հայի տականքը և ում նկատի ուներ Նժդեհը»,- եզրափակել է նա։

Գրառումը սոցիալական ցանցերում բուռն քննարկումների և կարծիքների բախման տեղիք է տվել՝ դառնալով հանրային դժգոհության արտահայտման հարթակ։

Ծիծեռնակաբերդի հուշահամալիրում կրկին ծաղկահավաք է, խոնարհված ծաղիկները երկրորդ կյանք են ստանում։

Տեղեկությունը հայտնում է «ԱՐԱԼԵԶ» բարեգործական ՀԿ-ն, որն ամեն տարի կազմակերպում է «Ծաղկահավաք» ծրագիրը։

«Ապրիլի 24-ին Ծիծեռնակաբերդի հուշահամալիրում խոնարհված ծաղիկներն ամեն տարի հավաքվում են, դրանց ցողունն անջատվում է ծաղկաթերթերից. առաջինից պարարտախառնուրդ է ստացվում, իսկ ծաղկաթերթերն օգտագործվում են ձեռակերտ վերամշակված թուղթ և մոմ պատրաստելու համար: Պարարտախառնուրդն օգտագործվում է հողի մշակման համար, իսկ ձեռակերտ թղթից հուշագրեր, շնորհակալագրեր, բացիկներ են պատրաստվում»,–նշված է հաղորդագրության մեջ։

Նշենք, որ ծրագրի կազմակերպչական աշխատանքներն իրականացնում են «ԱՐԱԼԵԶԻ» սկաուտական խմբի անդամները:

Ծրագրի ավարտին հավաքված ծաղկաթերթիկների մի մասը վերամշակվում է տեղում, մյուս մասը` տրամադրվում դպրոցներին, որտեղ էլ սկաուտները կազմակերպում են վերամշակման վարպետաց դասեր` աշակերտներին դարձնելով այդ խորհրդանշական աշխատանքի մասնիկը:
Հավելենք` ամեն տարի Հայոց ցեղասպանության զոհերի հիշատակի օրը մարդիկ տասնյակ հազարավոր ծաղիկներ են խոնարհում Ծիծեռնակաբերդի հուշահամալիրում։

Ադրբեջանագետ Տաթևիկ Հայրապետյանի տելեգրամյան գրառումը.

Շատերը, անկախ իրենց ցանկությունից ու կամքից, քննարկում են «Քանդենք պետության» կուսակցության բեմադրած թատրոնը։ Թատրոնը բեմադրվում է բովանդակությունը ոչնչացնելու համար, քանի որ բովանդակային դաշտում ասելիք չկա։ Ով ինչ ուզում է՝ ուտի, ով ոնց ուզում է՝ պարի, ինձ բացարձակ չի հուզում։

Բայց ինձ հուզում է այն, որ մեզ շարունակ պարտադրում են ներկայացում, որը դիտել ես բնավ չեմ ցանկանում։ Դրան 2 լուծում կա՝ կամ առհասարակ ոչինչ չդիտել ու ոչնչի չհետևել, կամ էլ փորձել բովանդակություն ստեղծել ու քննարկման որակը փոխել։

Ինձ թվում է՝ «Քանդենք պետությանը» իրապես հեռացնել ցանկացող ուժերը պետք է նոր որակի քննարկում բացեն դաշտում, որպեսզի ընտրողն ուզենա հետևել քաղաքականությանը ու գնալ քվեարկության հունիսի 7-ին։ Հիշեք՝ եթե ընտրողների 60-70%-ը գնա ընտրության, Ալիևի մարդը մնալու շանս չունի:

Երգչուհի Իվետա Մուկուչյանը երեկ Հանրապետության հրապարակում համերգին ունեցած ելույթից հետո գրառում է արել՝ խոսելով Ցեղասպանության ու հայերի վերապրած պատերազմների մասին:

«Այս երեկո միասին իսկապես անհավատալի պահեր ունեցանք։ Ավելի քան 40,000 մարդ Հանրապետության հրապարակում՝ մեր սիրելի Երևանում, ինձ հետ երգում էր իմ երգերը,- գրել է երգչուհի Իվետա Մուկուչյանը՝ հավելելով.- Մենք վերապրել ենք Ցեղասպանություն, պատերազմներ և, այնուամենայնիվ, շարունակում ենք առաջ շարժվել՝ որպես առաջին ժողովուրդ, ով քրիստոնեությունը ընդունել է որպես պետական կրոն։ Ցավը մեր սրտերում խորապես դրոշմված է՝ ինչպես դուդուկի հնչյունը, միաժամանակ, հենց սիրուց են մեր արմատները։ Մենք երբեք չենք մոռանա այն ճանապարհը, որը մեզ հասցրել է այստեղ։

Ես հպարտ եմ, որ հայ եմ, և անսահման շնորհակալ այս անմոռանալի երեկոյի համար՝ ինձ որպես միակ հայ արտիստի հնարավորություն տալու հանդես գալ ձեզ համար և կիսել իմ էներգիան ձեզանից յուրաքանչյուրի հետ»։

Չորս տարի առաջ այս օրը ՀՀ վարչապետի ավտոշարասյունը Պարոնյան փողոցում վրաերթի ենթարկեց և մահ պատճառեց հղի վիճակում գտնվող երիտասարդ կնոջը՝ Սոնա Մնացականյանին։

Մինչև օրս դեռ որևէ մեկը չի ենթարկվել քրեական պատասխանատվության, իսկ շարասյան արագության համար պատասխանատու՝ ղեկավար կազմի վերաբերյալ վարույթը դիտավորյալ կերպով «սառեցվել» է նախաքննության փուլում, թեև դատարանները երկու անգամ այդ վարույթով արձանագրել են տուժող կողմի իրավունքների խախտում, փաստացի պարտադրել են փորձաքննություն նշանակել ավտոմեքենաներում գործած ռադիոկապի ձայնագրության սարքով, պատշաճ միջոցներ ձեռնարկել ձայնագրությունը հայտնաբերելու ուղղությամբ, սակայն ոչինչ չի արվել։

Յուրաքանչյուր տրամաբանող ուղեղի համար ակնհայտ է, որ նման ապօրինությունը հենց այնպես չի արվում, այս գործը Նիկոլ Փաշինյանի վարքագիծը՝ նրա խոսքի և գործողությունների իսկությունը գնահատելու լավագույն ցուցիչն է հարգելի հայրենակիցներ…։

Փաստաբան Րաֆֆի Ասլանյան