Author: Julbaz

Երևանի քաղաքապետ Տիգրան Ավինյանը նշել է, որ վարորդները ստանում են նորմալ արտաժամյա և բավականին բարձր աշխատավարձ։

«Եվ որպեսզի մենք կարողանանք այդ աշխատավարձը պահել, ավտոբուսները վերանորոգել, էլի նոր ավտոբուսներ գնել, այս ամենը կազմակերպելու համար պետք է կարողանանք հավաքագրել», – ասել է քաղաքապետը։

Նա նշել է, որ ավագանու նիստի ընթացքում ամբիոնից ասում են՝ եկե՛ք, բոյկոտե՛ք։ Մի հարբած թափթփուկ ասում է՝ ես բոյկոտ եմ անում, հետո հարձակվում է վարորդի վրա։ «Ով է մեղավոր, վարո՞րդը, որ օրինական պահանջ է ներկայացնում՝ ասելով եղբա՛յր, վճարի՛ր։ Դա իր պայմանագրային պարտավորությունն է և նաև նրա համար է, որ ինքը ստանա բարձր աշխատավարձ», – ասել է Տիգրան Ավինյանը՝ հավելելով, որ աշխարհում բոլոր տեղերում սա արվում է։

Երևանի ավագանու նիստում քննարկվում է Ամիրյան փողոցի անվանափոխության հարցը։ Ավագանու «Ազգային առաջընթաց» խմբակցությունն առաջարկում է փողոցն անվանակոչել Պապ թագավորի անվամբ։

Քաղաքապետ Տիգրան Ավինյանը հայտարարել է, որ այս նախագիծն արժանացել է նաև մշտական հանձնաժողովի դրական եզրակացությունը։