Author: Julbaz

Այս իշխանությունները խաղաղության օրակարգով եկան իշխանության, բայց իրենց իրարամերժ գործողություններով կատարեցին ուղիղ հակառակը․ խորհրդարանական ճեպազրույցների ժամանակ հայտարարել է «Հայաստան» խմբակցության ղեկավար Սեյրան Օհանյանը։

«Նրանք ուղղակի տապալեցին բանակցային գործընթացը, երկիրը ներքաշվեց պատերազմի մեջ և մենք ունեցանք պարտություններ ոչ միայն Արցախում։ Ադրբեջանցիները ավելի արագ հայտնվեցին մեր սահմանամերձ բնակավայրերում, մեր սահմաններում, ուղղակի զբաղեցրեցին մեր ռազմավարական կարևոր կետերը»,- հիշեցրել է Օհանյանը։

Նրա խոսքով՝ իշխանությունը ոչինչ չի արել Արցախի հայաթափումը կանխելու համար։

«Այսօր մենք ունենք հետևյալը․ հայ ժողովրդի նորագույն պատմության ընթացքում մեր առողջ, միասնական երիտասարդ և զարգացող մարմինը ուղղակի անդամահատված է և հաշմված վիճակում է։ Այլ բան է՝ հայրենիքի համար անդամահատում ունենալ, հաշմված լինել, դա նույնիսկ պատիվ է, բայց այլ բան է, երբ այդ հաշմվածությունը իր ազդեցությունն է ունենում ուղեղի վրա։ Կարծում եմ, որ առաջիկա խորհրդարանական ընտրություններում մեր ժողովրդի գիտակից մասը, կարելի է ասել, նաև ժողովրդի մեծ մասը, այս ամենը գիտակցում է։ Սրա դեմը պետք է առնել՝ թույլ չտալով, որպեսզի Նիկոլ Փաշինյանի իշխանությունը 2026 թվականին նորից վերարտադրվի և նաև տանի մեր երկրի շարունակական անկման, սա նաև ազգային արժանապատվության վերականգնման խնդիր է»,- եզրափակեց նա։

Հարկը բոլորիս բարեկեցությունն է՝ առանց բացառության՝ սկսած ամենահարուստից, վերջացրած ամենաաղքատով, որովհետև ինչքան էլ հարուստ լինի, «Բենթլի» և «Ռոլս Ռոյս» ունենա, չի կարող իր համար առանձին Երևան-Սևան մայրուղի ունենալ․ կառավարության նիստին ասել է վարչապետ Նիկոլ Փաշինյանը։

«Հարուստ են․․․ դե հարուստ են, թող իրենց համար օդանավակայան կառուցեն, Հայաստանի Հանրապետության հանրային օդանավակայաններից թող չօգտվեն, հարուստ են, դե թող ամեն մեկը իրենց համար օդանավակայան կառուցեն, ամեն մեկը Երևանում իրենց համար այլընտրանքային ճանապարհ կառուցեն։ Ու՞ր են գնում, Ծաղկաձորում են գնում, ու՞ր են գնում հարուստները, չգիտեմ»,-ասել է Փաշինյանը՝ նշելով, որ հարկերից խուսափելու խնդիրը մեր պատմության հետ կապ ունի, տարբեր կայսրություններ մեզ հարստահարել ու հարկեր են հավաքել։

«Ուժեղ եմ, հարուստ եմ․․․ դե կառուցի քեզ համար ճանապարհ, օդանավակայան կառուցի, ճանապարհ կառուցի, ուր գնում ես միայն քո կառուցած ճանապարհով։ Եթե պետությունը այդ ճանապարհները չկառուցի, ձեր բենթլիներից հետևի «ստոպի ֆառն է» մնալու, ուրիշ ոչ մի բան»,-ասել է Փաշինյանը։

Նա խոսել է նաև աղքատների վճարած հարկերից ու նշել, որ չվճչարեն սոցիալակյան ապահովություն, նպաստ, առողջության ապահովագրություն որտեղի՞ց վճարի պետությունը։