Author: Julbaz

ՀՅԴ 29-րդ արտահերթ Գերագույն ժողովի եզրափակիչ նիստում և «Առաջ» կուսակցության համագումարում հաստատվել է «Հայաստան» կուսակցությունների դաշինքի նախընտրական ցանկի առաջին երեք տասնյակը:

Նրանց վարչապետի թեկնածուն Ռոբերտ Քոչարյանն է:

Պատգամավորի թեկնածուների անունների հաջորդականությունը հետևյալն է.

1. Ռոբերտ Քոչարյան

2. Իշխան Սաղաթելյան 

3. Աննա Գրիգորյան

4.  Սևակ Խաչատրյան

5. Արթուր Խաչատրյան

6. Քրիստինե Վարդանյան

7. Աղվան Վարդանյան

8. Գեղամ Մանուկյան

9. Ագնեսա Խամոյան

10. Լևոն Քոչարյան

11. Արթուր Սարգսյան

12. Լիլիթ Գալստյան

13. Մեսրոպ Մանուկյան

14. Գառնիկ Դանիելյան

15. Քրիստինե Նազարյան

16. Բորիս Թամոյան

17. Նարեկ Մանթաշյան

18. Լուսինե Քարամյան

19. Գերասիմ Վարդանյան

20. Կարեն Սիմոնյան

21. Անուշ Առաքելյան

22. Արման Ղազարյան

23. Արթուր Օհանյան

24. Արմենուհի Կյուրեղյան

25. Միհրդատ Մադաթյան

26. Իգոր Սարգսյան

27. Ռուբինա Պետրոսյան

28. Սամվել Հակոբյան

29.  Արծվիկ Մինասյան

30.  Անուշ Բրուտյան։

ՆԱՏՕ-ի
գլխավոր քարտուղար Մարկ Ռյուտեն CNN-ի եթերում հայտարարել է, որ Իրանի դեմ ԱՄՆ
պատերազմի ընթացքում  Դաշինքի որոշ անդամ
երկրներ «չեն կատարել իրենց պարտավորությունները»։

Ռյուտեն
երեկ՝ ապրիլի 8-ին, Սպիտակ տանը հանդիպել է ԱՄՆ նախագահ Դոնալդ Թրամփի հետ։ CNN-ի
եթերում հանդիպումը մեկնաբանելով՝ Ռյուտեն ասել է, որ Թրամփը «ակնհայտորեն
հիասթափված է ՆԱՏՕ-ի շատ դաշնակիցներից, և ես հասկանում եմ այդ տեսակետը»։

ՆԱՏՕ-ի
գլխավոր քարտուղարը նաև ընդգծել է, որ «եվրոպական երկրների գերակշռող մեծամասնությունը»
օգնել է լոգիստիկայի հարցում, տրամադրել իրենց բազաները և ցուցաբերել այլ
աջակցություն։

Իր
հերթին, Թրամփը Ռյուտեի հետ հանդիպումից հետո իր Truth սոցցանցում գրել է. «ՆԱՏՕ-ն
այնտեղ չէր, երբ մենք նրանց կարիքն ունեինք, և նրանք այնտեղ չեն լինի, երբ կրկին
պետք լինեն»։

ՀԷՑ-ում կորպորատիվ սոցիալական համահարթեցման ծրագրերը շարունակվում են.

Ժամանակավոր կառավարման շուրջ 8 ամիսներին՝ Ընկերության բարձր ղեկավարության կողմից իրենց համար նախատեսված պարգևավճարներից հրաժարվելու արդյունքում գոյացած միջոցներն ամեն ամիս ուղղվել են մինչև 200 հազար ՀՀ դրամ (հարկերը՝ ներառյալ) համախառն ամսական վարձատրություն ստացող՝ շուրջ 1.500-ից 1.700 մեր աշխատակիցներին՝ ամսական հավելյալ 20.000 ՀՀ դրամ (հարկերը՝ ներառյալ) լրացուցիչ պարգևատրումներ տրամադրելուն։

Տնտեսվարման այլ աղբյուրներից ՀԷՑ-ում գոյացած զգալի խնայողությունների վերաբաշխման արդյունքում որոշում ենք կայացրել՝ բարձրացնելու մեր աշխատակիցների թե՛ համախառն ամսական վարձատրության շեմը և թե՛ լրացուցիչ պարգևավճարների չափը։

Ըստ այդմ, սկսած մարտ ամսից՝ մինչև համախառն 250.000 ՀՀ դրամ (հարկերը՝ ներառյալ) վարձատրություն ստացող մեր բոլոր աշխատակիցները Ընկերության խնայողությունների հաշվին՝ անկախ արդյունավետության գործող ցուցանիշներից, համահարթեցված կարգով կվարձատրվեն լրացուցիչ 30.000-ական ՀՀ դրամով (հարկերը՝ ներառյալ)՝ որպես լրացուցիչ պարգևավճար։

Արդյունքում սոցիալական այս ծրագիրը կառնչվի Ընկերության աշխատակիցների ավելի քան 50%-ին՝ շուրջ 3.400-ից 3.500 մեր գործընկերների։

«ԱՄՆ
բոլոր նավերը, ինքնաթիռները և զինծառայողները, ինչպես նաև լրացուցիչ զինամթերքը, սպառազինությունը
և մնացած ամեն ինչը, որ անհրաժեշտ է մարտական ​​գործողություններ անցկացնելու և արդեն զգալիորեն թուլացած հակառակորդին ոչնչացնելու համար, կմնան իրենց տեղերում՝ Իրանում և դրա շուրջը այնքան ժամանակ, մինչև լիակատար չիրագործվի ձեռք բերված իրական համաձայնագիրը»,-
գրել է ԱՄՆ նախագահ Դոնալդ Թրամփը Truth Social-ում։

Սպիտակ
տան ղեկավարը հավելել է, որ եթե դա տեղի չունենա, ինչը, նրա կարծիքով, չափազանց
անհավանական է, «ապա կսկսվի ավելի լայնածավալ, ավելի լավ կազմակերպված և ավելի
հզոր հրաձգություն, քան որևէ մեկը երբևէ տեսել է»։

«Սա
համաձայնեցված է եղել վաղուց, և չնայած հակառակի մասին ամբողջ կեղծ
հռետորաբանությանը՝ ոչ մի միջուկային զենք, և Հորմուզի նեղուցը ԿԼԻՆԻ ԲԱՑ ԵՎ
ԱՆՎՏԱՆԳ։ Միաժամանակ մեր մեծ բանակը լիցքավորվում և հանգստանում է՝ անհամբեր
սպասելով, ըստ էության, հաջորդ նվաճմանը»,- գրել է Թրամփը։

Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ Այս մասին հայտնում են Վրաստանի ՆԳՆ ԱԻ դեպարտամենտը և ՌԴ ԱԻՆ Հյուսիսային Օսիայի ճգնաժամային կառավարման կենտրոնը։

Կադաստրի կոմիտեի նախկին պաշտոնատար անձի հանցավոր գործողությունների հետևանքով Աբովյան համայնքում ապօրինի օտարվել են առանձնապես խոշոր չափերի հողատարածքներ։ Այս մասին հայտնում է կոմիտեն։

«ՀՀ հակակոռուպցիոն կոմիտեում քննված քրեական վարույթով իրականացված նախաքննությամբ պարզվել է, որ Կադաստրի կոմիտեի տարածքային ստորաբաժանման ղեկավարի պաշտոնը զբաղեցրած անձը, պաշտոնեական դիրքն օգտագործելով ծառայության շահերին հակառակ, իրավական հիմքերի բացակայության պայմաններում իրականացրել է հողատարածքների սեփականության իրավունքի ապօրինի գրանցման գործընթացը:

Մասնավորապես՝ պարզվել է, որ հիշյալ պաշտոնատար անձը Երևան-Սևան ավտոմայրուղուն հարող հատվածից անժամկետ օգտագործման իրավունքով ապօրինի որոշմամբ հատկացված 0,2200 հա մակերեսով հողատարածքի նկատմամբ ՀՀ հողային օրենսգրքով սահմանված կարգի խախտմամբ և համապատասխան փաստաթղթերի բացակայության պայմաններում գրանցել է  քաղաքացու սեփականության իրավունքը՝ որպես հիմք նշելով Առինջի գյուղապետի՝ 1996 թվականի հոկտեմբերի 1-ի գոյություն չունեցող որոշումը:

Կադաստրի կոմիտեի վերը նշված պաշտոնյայի հանցավոր գործողությունների հետևանքով Աբովյան համայնքի հաշվեկշռից ապօրինի դուրս է բերվել առանձնապես խոշոր չափերով՝ 15,900,000 ՀՀ դրամ շուկայական արժեք ունեցող հողատարածքը:

Բացի այդ, Կադաստրի կոմիտեի մեկ այլ աշխատակցի ներկայացրած՝ նույն հողատարածքում 3965,65 քմ մակերեսով շինությունների վերաբերյալ ուրվագծերի հիման վրա վերը նշված պաշտոնատար անձը սեփականության իրավունքի վկայականում ներառել է կեղծ տվյալներ և առանց օրինական հիմքերի առկայության նույն հողամասի գրանցումն իրականացրել 0,08 հա մակերեսով ավել:

Արդյունքում՝ Աբովյան համայնքի հաշվեկշռից, առանց իրավական հիմքի, ապօրինի դուրս է բերվել նաև առանձնապես խոշոր չափերով՝ 9,760,000 ՀՀ դրամ շուկայական արժեք ունեցող հողատարածքը, իսկ համայնքը զրկվել է այդ հողատարածքն ըստ նպատակային նշանակության օգտագործելու և հանրության շահերին ծառայեցնելու հնարավորությունից:

Նախաքննության ընթացքում քրեական հետապնդում է հարուցվել 2003 թվականի ապրիլի 18-ին ընդունված ՀՀ քրեական օրենսգրքի 308-րդ հոդվածի 2-րդ և նույն օրենսգրքի 314-րդ հոդվածի 1-ին մասով (համապատասխանում են 2022 թվականի հուլիսի 1-ին ընդունված ՀՀ քրեական օրենսգրքի 441-րդ հոդվածի 2-րդ մասի 5-րդ կետին և 2 դրվագ՝ 445-րդ հոդվածի 1-ին մասին):

Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են ՀՀ հակակոռուպցիոն դատարան»,- ասվում է հաղորդագրության մեջ:

Կադաստրի կոմիտեի նախկին պաշտոնատար անձի հանցավոր գործողությունների հետևանքով Աբովյան համայնքում ապօրինի օտարվել են առանձնապես խոշոր չափերի հողատարածքներ։ Այս մասին հայտնում է կոմիտեն։

«ՀՀ հակակոռուպցիոն կոմիտեում քննված քրեական վարույթով իրականացված նախաքննությամբ պարզվել է, որ Կադաստրի կոմիտեի տարածքային ստորաբաժանման ղեկավարի պաշտոնը զբաղեցրած անձը, պաշտոնեական դիրքն օգտագործելով ծառայության շահերին հակառակ, իրավական հիմքերի բացակայության պայմաններում իրականացրել է հողատարածքների սեփականության իրավունքի ապօրինի գրանցման գործընթացը:

Մասնավորապես՝ պարզվել է, որ հիշյալ պաշտոնատար անձը Երևան-Սևան ավտոմայրուղուն հարող հատվածից անժամկետ օգտագործման իրավունքով ապօրինի որոշմամբ հատկացված 0,2200 հա մակերեսով հողատարածքի նկատմամբ ՀՀ հողային օրենսգրքով սահմանված կարգի խախտմամբ և համապատասխան փաստաթղթերի բացակայության պայմաններում գրանցել է  քաղաքացու սեփականության իրավունքը՝ որպես հիմք նշելով Առինջի գյուղապետի՝ 1996 թվականի հոկտեմբերի 1-ի գոյություն չունեցող որոշումը:

Կադաստրի կոմիտեի վերը նշված պաշտոնյայի հանցավոր գործողությունների հետևանքով Աբովյան համայնքի հաշվեկշռից ապօրինի դուրս է բերվել առանձնապես խոշոր չափերով՝ 15,900,000 ՀՀ դրամ շուկայական արժեք ունեցող հողատարածքը:

Բացի այդ, Կադաստրի կոմիտեի մեկ այլ աշխատակցի ներկայացրած՝ նույն հողատարածքում 3965,65 քմ մակերեսով շինությունների վերաբերյալ ուրվագծերի հիման վրա վերը նշված պաշտոնատար անձը սեփականության իրավունքի վկայականում ներառել է կեղծ տվյալներ և առանց օրինական հիմքերի առկայության նույն հողամասի գրանցումն իրականացրել 0,08 հա մակերեսով ավել:

Արդյունքում՝ Աբովյան համայնքի հաշվեկշռից, առանց իրավական հիմքի, ապօրինի դուրս է բերվել նաև առանձնապես խոշոր չափերով՝ 9,760,000 ՀՀ դրամ շուկայական արժեք ունեցող հողատարածքը, իսկ համայնքը զրկվել է այդ հողատարածքն ըստ նպատակային նշանակության օգտագործելու և հանրության շահերին ծառայեցնելու հնարավորությունից:

Նախաքննության ընթացքում քրեական հետապնդում է հարուցվել 2003 թվականի ապրիլի 18-ին ընդունված ՀՀ քրեական օրենսգրքի 308-րդ հոդվածի 2-րդ և նույն օրենսգրքի 314-րդ հոդվածի 1-ին մասով (համապատասխանում են 2022 թվականի հուլիսի 1-ին ընդունված ՀՀ քրեական օրենսգրքի 441-րդ հոդվածի 2-րդ մասի 5-րդ կետին և 2 դրվագ՝ 445-րդ հոդվածի 1-ին մասին):

Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են ՀՀ հակակոռուպցիոն դատարան»,- ասվում է հաղորդագրության մեջ: