Author: Julbaz

Ամերիկյան հեղինակավոր պարբերական The New York Times-ի հետաքննության համաձայն՝ բիթքոյնի հնարավոր ստեղծող կարող է լինել 55-ամյա կրիպտոգրաֆ Ադամ Բեքը։

Սակայն ինքը՝ Ադամ Բեք, հերքել է այդ պնդումները՝ նշելով, որ զբաղվել է միայն Hashcash համակարգի մշակմամբ, որը հետագայում դարձել է բիթքոյնի մայնինգի գաղափարական հիմքերից մեկը։

Ի՞նչ է Hashcash-ը

Hashcash-ը հակասպամ տեխնոլոգիա է, որը հիմնված է հաշվարկային աշխատանքի ապացույցի (proof-of-work) մեխանիզմի վրա։ Նույն սկզբունքն է կիրառվում նաև Bitcoin ցանցում՝ գործարքների հաստատման և նոր մետաղադրամների ստեղծման համար։

Սատոշի Նակամոտոյի առեղծվածը

Բիթքոյնի ստեղծողը հայտնի է «Սատոշի Նակամոտո» կեղծանունով։ Նրա իրական ինքնությունը մինչ օրս պաշտոնապես չի բացահայտվել, և տարիների ընթացքում առաջ են քաշվել տարբեր վարկածներ։

Գնահատականների համաձայն՝ Սատոշի Նակամոտոյին վերագրվող թվային դրամապանակներում պահվում է շուրջ 78 միլիարդ ԱՄՆ դոլարին համարժեք բիթքոյն, ինչը նրան կդարձներ աշխարհի ամենահարուստ անձանցից մեկը, եթե այդ միջոցները երբևէ շրջանառության մեջ դրվեին։

Բիթքոյնը ստեղծվել է 2008 թվականին հրապարակված սպիտակ գրքի (white paper) հիման վրա և դարձել է առաջին դեցենտրալացված թվային արժույթը։ Սատոշի Նակամոտոյի ինքնության հարցը շարունակում է մնալ ժամանակակից ֆինանսական և տեխնոլոգիական աշխարհի ամենամեծ առեղծվածներից մեկը։

Բիթքոինի ստեղծողը անհետացել է հանրությունից 15 տարի առաջ

Բաժանորդագրվեք մեր ալիքին Telegram-ում