Author: Julbaz

«Հին Ստեփանավանը՝ Էրմիտաժի հավաքածուներում»․ Լոռիում բացառիկ ցուցահանդես է բացվել

Ստեփանավան քաղաքում բացվել է «Հին Ստեփանավանը Էրմիտաժի հավաքածուներում» ցուցահանդեսը։

Այստեղ ներկայացված են կենցաղային իրեր՝ սափորներ, գավաթներ, վզնոցներ, որոնք գտնվում են Էրմիտաժի հավաքածուներում․ հայտնում է Գյումրիում ՌԴ գլխավոր հյուպատոսարանը։

«Ցուցանմուշները հայտնաբերվել են 1885-1886 թթ․ իրականացված պեղումների ընթացքում, որոնք անցկացվել են մեծ իշխան Գեորգի Ռոմանովի հովանու ներքո։

Ցուցահանդեսի բացումից առաջ ցուցադրվել է տեսանյութ՝ ուշ բրոնզի դարաշրջանի հին թաղումների պեղումների մասին»,- ասված է հաղորդագրությունում։

 

Ալեն Սիմոնյանը հանդիպել է Ստամբուլում գործող հայկական լրատվամիջոցների ներկայացուցիչների հետ


Տեսանյութեր


Ազգային ժողովի նախագահ Ալեն Սիմոնյանն ապրիլի 18-ին Թուրքիայի (Կ. Պոլսի) Հայոց Պատրիարքություն այցից հետո Պատրիարքության տարածքում հանդիպել է Ստամբուլում գործող հայկական լրատվամիջոցների ներկայացուցիչների հետ։

Հանդիպմանը մասնակցել են «Ժամանակ», «Մարմարա» օրաթերթերի, «Ակօս» շաբաթաթերթի, «Լոյս մետիա» հեռուստաընկերության, «Փարոս» ամսագրի, «TET Ajanda» էլեկտրոնային լրատվամիջոցի ներկայացուցիչները:

ՀՀ ԱԺ նախագահը մանրամասներ է ներկայացրել Հայաստանի ներքաղաքական զարգացումներին եւ արտաքին քաղաքականությանը վերաբերող հարցերի շուրջ` պատասխանելով նաեւ լրատվամիջոցների ներկայացուցիչների հարցերին:



Հայաստանը մտադիր է ունենալ 110 հազար GPU. Firebird AI-ի համահիմնադիր Ալեքսանդր Եսայան


Ունենք պայմանավորվածություն՝ հունիս-հուլիս ամիսներին ևս 60 հազար GPU պատրաստելու, դրանով իսկ Հայաստանում ընդհանուր առմամբ 110 հազար GPU ունենալու մասին: «Արմենպրես»-ի փոխանցմամբ՝ Երևանի պետական համալսարանում ապրիլի 18-ին կայացած AI Conf Armenia 2026 համաժողովում այս մասին հայտարարեց Firebird AI ընկերության համահիմնադիր Ալեքսանդր Եսայանը:

«Շուտով կհայտարարենք 50 հազար GPU պատրաստելու մասին: Դրանց հասանելիության ծավալով Հայաստանը կդառնա աշխարհի 5 առաջատար երկրներից մեկը: Նաև ունենք պայմանավորվածություն՝ հունիս-հուլիս ամիսներին երրորդ փուլի մասին հայտարարելու վերաբերյալ: Հիմա աշխատում ենք էլեկտրաէներգիայի ավելացման ուղղությամբ, որպեսզի պատրաստենք ևս 60 հազար GPU: Այսինքն, մեր նպատակն է, որ Հայաստանն ունենա ընդհանուր առմամբ 110 հազար GPU: Իհարկե, շատ հպարտ և երախտապարտ ենք ամենից առաջ NVIDIA ընկերությանը, նաև ՀՀ կառավարությանը, որոնք մեզ շատ են օգնել այս դժվարին և ունիկալ ճանապարհին: Դրա իրագործումը վեր է միայն մեր ընկերության հնարավորություններից: Պետք է լիներ ԱՄՆ-Հայաստան խոշոր փոխգործակցություն, նման միջավայր և վստահություն: Դրա համար շնորհակալություն մեր բոլոր գործընկերներին»,- նշեց Ալեքսանդր Եսայանը:

Նա պատմեց նաև, որ Հայաստանում տվյալների կենտրոնի կառուցման թեման NVIDIA-ի փոխնախագահ Ռև Լեբարեդյանի հետ սկսել է քննարկել 2024 թվականին:

«Այն ժամանակ արդեն շատ մեծ պահանջարկ կար նման կենտրոնների, բայց անգամ այդ պարագայում շատ դժվար էր համոզել մեծ ընկերություններին, որ հետաքրքրվեն Հայաստանով: Չկարողացանք գտնել հաճախորդ, որը կկարողանար մեզ երաշխավորել գնում, ինչից ելնելով էլ կկարողանայինք ֆինանսավորում ապահովել: 2024 թվականին խոսքն այսպիսի մեծ գումարի մասին չէր՝ մոտավորապես 50-60 մլն դոլարի մասին էր: 2025 թվականին արդեն հանդիպեցի Ռազմիկ Հովակիմյանին, որը լինելով Սիլիկոնյան հովտում՝ ունի շատ մեծ կապեր ամերիկյան IT ոլորտում: Կարողացանք միավորել մեր գիտելիքը, հնարավորությունները, Ռազմիկ Հովակիմյանի կապերը, որպեսզի կարողանանք գտնել հաճախորդներ: Նաև NVIDIA-ի աջակցությամբ ծրագիրը մեկնարկեց:

2025 թվականի հունիսին հայտարարեցինք 6000 GPU պատրաստելու մասին ու մինչև դեկտեմբեր ավարտելով պայմանագրային և մնացած ֆինանսական հարցերը՝ հունվարից սկսեցինք տվյալների կենտրոնի կառուցումը: Ես ուզում եմ ասել, որ մենք առաջին փուլը՝ 6000 GPU-ն հունիս ամսին արդեն թողարկելու ենք և ԲՏԱ նախարարության հետ կնքեցինք պայմանագիր, ըստ որի 5 տարում պետությունը 25 մլն դոլարի շրջանակում գնում է կատարելու Firebird-ից, որի ռեսուրսները նաև հասանելի են դառնալու հայկական ստարտափներին և համալսարաններին, ինչը կարծում եմ շատ մեծ և կարևոր ներդրում է էկոհամակարգում»,- պատմեց Ալեքսանդր Եսայանը:

Նա տեղեկացրեց, որ 6000 GPU պատրաստելու մասին հայտարարելու պահին շուկայում մեծ հետաքրքրություն կար դրանց նկատմամբ, սակայն Firebird-ը  վաճառքի նախնական պայմանավորվածություն ուներ դրանցից միայն մոտ 3000-ի վերաբերյալ:

«Շատ երկար մտածում էի՝ մյուս 3000-ն ում ենք վաճառելու, ինչպես ենք կարողանալու գտնել հաճախորդներ: Դա մի 5-6 ամսվա վաղեմության խոսակցություն էր՝ դեկտեմբերին ուզում էինք հնարավորինս արագ վաճառենք դրանք՝ ֆինանսական լուրջ կորուստներից խուսափելու համար: Բայց, երբ մոտ 2 ամիս առաջ գնացինք ԱՄՆ՝ ունեցանք շատ հանդիպումներ և հասկացանք, որ պետք չէ շտապել: Հիմա մեր GPU-ների պահանջարկը կտրուկ աճել է՝ ընկերությունների միջև նույնիսկ մրցակցություն է սկսվել դրանցից օգտվելու համար: Հիմա մենք ենք որոշում ում հետ համագործակցել: Հայաստանը Firebird-ի շնորհիվ ունի հնարավորություն և հասանելիություն մի ռեսուրսի, որից օգտվելու համար, վստահեցնում եմ, մեզ դիմում են աշխարհի ամենաթոփ ընկերությունները:


Մոտենում է ապրիլի 24-ը․ ինչպես են այն հիշում ԱՄՆ-ում


Ապրիլը ԱՄՆ-ում կոչվում է Հայկական հիշողության ամիս՝ Հայոց ցեղասպանության գործոնով պայմանավորված։ Եվ դա զուտ միայն հանրային հիշատակության օր չէ, այլ շատ նահան…

Հայաստան-Ադրբեջան հարաբերություններում առկա անխուսափելի հարցերը կարող են լուծվել առաջիկա ամիսներին․ Բայրամով

Ադրբեջանի արտգործնախարար Ջեյհուն Բայրամովը հայտարարել է, որ Հայաստան-Ադրբեջան հարաբերությունների կարգավորման գործընթացում առկա անխուսափելի հարցերը կարող են լուծվել առաջիկա ամիսներին։

Նրա խոսքով՝ վերջին շրջանում այս ուղղությամբ տեղի են ունեցել կարևոր զարգացումներ։

Բայրամովը հատկապես ընդգծել է «Վաշինգտոնի գագաթնաժողովի» և նախկինում ստորագրված համատեղ հայտարարությունների նշանակությունը՝ նշելով, որ այդ փաստաթղթերը ձևավորել են խաղաղ գործընթացի հետագա փուլերի ճանապարհային քարտեզը։

Նա նաև հիշեցրել է, որ արդեն իսկ նախաստորագրվել է խաղաղության համաձայնագիրը և նախաձեռնվել է լուծարել Մինսկի խումբը։