Author: Julbaz

Ապրիլի 14-ին Անվտանգության խորհրդի քարտուղար Արմեն Գրիգորյանն ընդունել է Հայաստանի Հանրապետությունում Կատարի Պետության դեսպան Մանսուր Աբդալլահ Ալ-Սուլայտինին:

Կողմերը գոհունակությամբ ընդգծել են Հայաստան-Կատար երկկողմ հարաբերությունների բարձր մակարդակը և վերահաստատել պատրաստակամությունը շարունակելու համագործակցությունը երկուստեք հետաքրքրություն ներկայացնող ոլորտներում՝ լիարժեք իրացնելու բազմաոլորտ համագործակցության առկա ներուժը: Այս մասին տեղեկացնում են ԱԽ գրասենյակից։

Հանդիպմանը կողմերն անդրադարձել են նաև տարածաշրջանային զարգացումներին՝ ընդգծելով խաղաղության և կայունության հաստատման կարևորությունը:

Դատախազության շենքի դիմաց իրականացվող նստացույցը, ըստ կազմակերպիչների, նախատեսվում է անցկացնել շուրջ մեկ շաբաթ, սակայն մասնակիցները հույս են հայտնում, որ խնդիրը ավելի շուտ լուծում կստանա։

Oragir.News-ի հետ զրույցում Անվտանգային վերլուծությունների ինստիտուտի հետազոտող Ալվարդ Զաքարյանը նշեց, որ ակցիայի նպատակն է հասնել 18-ամյա Դավիթ Մինասյանի նկատմամբ կիրառվող խափանման միջոցի փոփոխությանը։

«Հույս ունենք, որ մի շաբաթ չի տևի, և այդ տղան չի շարունակելու տանջվել։ Նույնիսկ խոսվում է, որ նրան կարող են անվասայլակով տեղափոխել բանտ, ինչը լրացուցիչ մտահոգիչ է»,- ասաց նա։

Զաքարյանը կոչ արեց նաև իշխանություններին՝ ցուցաբերել մարդասիրական մոտեցում։

«Հույս ունենք, որ համապատասխան պաշտոնյաները միջամտություն կունենան և գոնե տնային կալանք կկիրառվի։ Խոսքը մի երիտասարդի մասին է, որը, մեր գնահատմամբ, ծանր հանցագործություն չի կատարել»,- նշեց նա։

Նրա խոսքով՝ դեպքի տեսանյութը, որը տարածվել է հանրության շրջանում, չի պարունակում ակնհայտ հանցակազմի տարրեր, սակայն, այնուամենայնիվ, երիտասարդը շարունակում է կրել պատիժ։ Զաքարյանը նաև ընդգծեց, որ ստեղծված իրավիճակը կարող է ունենալ ավելի լայն քաղաքական ենթատեքստ։

«Սա միայն մեկ անձի դեպք չէ։ Տպավորություն է ստեղծվում, որ ընտրություններից առաջ ձևավորվում է վախի մթնոլորտ, որպեսզի քաղաքացիները խուսափեն ակտիվ դիրքորոշումից»,- ասաց նա։

Նրա գնահատմամբ՝ նման մթնոլորտը նպաստում է հասարակական ապատիայի խորացմանը։

«Երբ մարդիկ տեսնում են նման դեպքեր, առաջանում է անճարության զգացում, ինչը բերում է նրան, որ նրանք հեռանում են քաղաքական գործընթացներից»,- նշեց Զաքարյանը։ Միևնույն ժամանակ, նա կարևորեց քաղաքացիական ակտիվությունը՝ ընդգծելով, որ նման իրավիճակներում անհրաժեշտ է շարունակել բարձրաձայնել խնդիրները։

«Թեպետ մենք դեռևս չունենք լիարժեք իրավական պետություն, այնուամենայնիվ փորձում ենք ակցիաներով ուշադրություն հրավիրել և ցույց տալ, որ հասարակությունը անտարբեր չէ»,- եզրափակեց նա։

Ներքին
22:01 03-04-2022

Պաշտպանելով Արցախը, պաշտպանում ենք Հայաստանը. Արամ Վարդևանյանի տեսաուղերձը Արցախից

Ես բոլորին խնդրում եմ, իսկապես եկեք ամսի 5-ին հավաքվենք, լինենք միասնական անկախ որեւէ հանգամանքից: Սա իսկապես քաղաքական հարց չէ, տեսաուղերձում հայտարարել է Արամ Վարդևանյանը։

Ես թիրախավորում եմ ու թիրախավորելու եմ բոլոր այն լրատվամիջոցներին, որոնք չեն ներկայացնում, թե որտեղից են ֆինանսավորվում:

Այս մասին հայտարարեց ԱԺ փոխխոսնակ Ռուբեն Ռուբինյանը՝ պատասխանելով լրագրողների հարցին, թե ինչու է թիրախավորում լրատվամիջոցներին:

Ճեպազրույցը լարվեց, երբ լրագրողներից մեկը միջամտեց՝ «Ձեր մայրը խմբագիր է եղել, գոնե ձեր մոր հիշատակը հարգեք»:

«Ձեզ դաստիարակված պահեք, որևէ դաստիարակված մարդ չէր կարող դիմացինին ասել՝ հարգեք ձեր մոր հիշատակը: Ցավում եմ, որ մայրս ձեզ լավ չի դաստիարակել: Բայց ինձ լավ է դաստիարակել», – լրագրողին պատասխանեց Ռուբինյանը:

Լրագրողներից մի քանիսը նույնիսկ առաջարկեցին դադարեցնել ճեպազրույցը, քանի որ Ռուբինյանն ակնհայտ թիրախավորում էր լրագրողներին:

«Եթե որևէ մեկը ցանկանում է հեռանալ, ազատ է», – ասաց Ռուբինյանը:

Մանրամասները՝ տեսանյութում:

Թուրքիայի հարավ-արևելքում գտնվող դպրոցներից մեկում զինված հարձակում է եղել, կրակոցների հետևանքով տուժածների թիվը հասել է 16-ի։

Ըստ տեղի զլմ-ների՝ կրակողը դպրոցի 18-ամյա նախկին աշակերտ է։ Նա ինքնասպան է եղել։

Դեպքը տեղի է ունեցել Շանլիուրֆա նահանգի Սիվերեկ քաղաքում։ Նախնական տեղեկությունների համաձայն՝ զինված տղամարդը մտել է դպրոցի տարածք և հրացանից կրակ բացել։

Հաղորդվում է նաև աշակերտներին պատանդ վերցնելու մասին։

Դպրոցի շրջակայքը շրջափակվել է, աշակերտների մեծ մասը տարհանվել է։