Author: Julbaz

Աշխատանքի և սոցիալական հարցերի նախարարի մամուլի քարտուղար Նվեր Կոստանյանը պարզաբանում է տարածել «Հույսի օջախ» կենտրոնում բնակվող անձանց խնամքի ոչ պատշաճ կազմակերպման վերաբերյալ մամուլի հրապարակումների մասին, որը ներկայացնում ենք ստորև.

«Ի պատասխան «Հույսի օջախ» կենտրոնում բնակվող անձանց խնամքի ոչ պատշաճ կազմակերպման վերաբերյալ մամուլի հրապարակումների՝ հայտնում ենք, որ Աշխատանքի և սոցիալական հարցերի նախարարության ենթակայությամբ գործում են բացառապես պետական խնամքի հաստատությունները։ Նշված կենտրոնը մասնավոր է, հավաստագրված չէ ԱՍՀ նախարարության կողմից, սակայն գտնվում է Միասնական սոցիալական ծառայության ուշադրության ներքո։

Կենտրոնում ստեղծված իրավիճակի վերաբերյալ ահազանգից հետո ՄՍԾ աշխատակիցներն իրականացրել են այց, տեղում ծանոթացել պայմաններին, կապ հաստատել շահառուների հարազատների հետ։ Ներկայում ևս իրականացվում են մշտադիտարկման այցեր․ նոր ահազանգեր չեն ստացվել։

Նշենք, որ գործող կարգավորումներով խնամքի կենտրոնների պարտադիր հավաստագրումը վերաբերում է միայն պետական ֆինանսավորմամբ ծառայություններ մատուցող կազմակերպություններին, սակայն որդեգրվել է նոր մոտեցում, համաձայն որի՝ խնամք տրամադրող բոլոր կազմակերպություններն առաջիկայում պետք է պարտադիր հավաստագրված լինեն։ Այս նպատակով ԱՍՀ նախարարության կողմից մշակվում են խնամքի նվազագույն չափորոշիչներ, որոնք գտնվում են ավարտական փուլում։

Դրանց ուժի մեջ մտնելուց հետո կիրականացվի հավաստագրման գործընթացը»:

Ադրբեջանի նախագահի
օգնական Հիքմեթ Հաջիևը հայտարարել է, որ Բաքուն բարիդրացիական հարաբերություններ ունի
իր բոլոր հարևանների, այդ թվում՝ Հայաստանի հետ։

Նրա խոսքով՝ Հայաստան
ադրբեջանական պատվիրակության այցը եղել է պատմական իրադարձություն՝ ընդգծելով երկկողմ
շփումների կարևորությունը։

Հաջիևը նաև նշել է,
որ տարածաշրջանում ձևավորվում է նոր ստատուս քվո, որը, ըստ նրա, հիմնված է օրինականության,
լեգիտիմության և միջազգային իրավունքի նորմերի ու սկզբունքների վրա։

Մայիսի 1-ին Մարդու իրավունքների պաշտպան Անահիտ Մանասյանը մասնակցել է «Աշխատանքն ու աշխատողն այսօր․ մարտահրավերներն ու առաջնահերթությունները» խորագրով պանելային քննարկմանը։ Այդ մասին հայտնում են ՀՀ ՄԻՊ-ից:

Շնորհավորելով Աշխատանքի օրվա առթիվ՝ Պաշտպանը նշել է, որ չնայած կատարվող փոփոխություններին՝ ոլորտում դեռ շատ են խնդիրները և գործնականում քաղաքացիները հաճախ բախվում են խտրականության, ենթադրյալ ապօրինի ազատումների և անվտանգ ու արժանապատիվ աշխատանքային պայմանների բացակայության խնդիրների։

Պաշտպանը շեշտել է, որ աշխատանքային միջավայրը դեռևս ներառական չէ, հատկապես՝ հաշմանդամություն ունեցող անձանց համար։

Անդրադառնալով աշխատանքային իրավունքների պաշտպանությանը՝ Պաշտպանը նշել է.

«Չնայած առկա մեխանիզմներին՝ առավել խոցելի վիճակում գտնվող խմբերն են հաճախ ստանում նվազագույն պաշտպանություն։ Անհրաժեշտ է բարձրացնել իրավագիտակցությունը և ապահովել աշխատանքային միջավայրի իրական ներառականություն»։

Անահիտ Մանասյանը կարևորել է նաև արդար վարձատրության ապահովումը, արտաժամյա աշխատանքի փոխհատուցումը, սեռական ոտնձգությունների կանխարգելման մեխանիզմները, գործադուլի իրավունքին առնչվող օրենսդրական ու գործնական խոչընդոտների վերացումը, ինչպես նաև երեխաների հարկադիր աշխատանքի կանխարգելումն ու միգրանտ աշխատողների իրավունքների պաշտպանության հարցերը։

Միջոցառումը նախաձեռնել է Հայաստանի արհմիությունների կոնֆեդերացիան։

Պանելային քննարկմանը ելույթ են ունեցել նաև ԱԺ աշխատանքի և սոցիալական հարցերի մշտական հանձնաժողովի նախագահ Հերիքնազ Տիգրանյանը, ՀՀ աշխատանքի և սոցիալական հարցերի նախարարի տեղակալ Լուսինե Քոչարյանը և Հայաստանի արհմիությունների կոնֆեդերացիայի նախագահ Էլեն Մանասերյանը։

Միջոցառմանը բացման խոսքով հանդես են եկել Հայաստանի արհմիությունների կոնֆեդերացիայի նախագահ Էլեն Մանասերյանը, Հայաստանում և Վրաստանում Համերաշխության կենտրոնի ղեկավար Տետյանա Սոլոդովնիկը և Հայաստանում ՄԱԿ-ի մշտական համակարգող Ֆրանսուազ Ժակոբը։