Category: ABCNews

Wildberries մարկետփլեյսը դադարեցրել է հայաստանյան առևտրային ընկերությունների վաճառքները։ Այս մասին Sputnik Արմենիայի հետ զրույցում ասել է անհատ ձեռնարկատեր Շուշան Մկրտչյանը։

Ավելի վաղ Մկրտչյանը սոցցանցերում գրել էր խնդրի մասին` նշելով, որ Հայաստանից վաճառքները դադարեցվել են առանց որևէ պատճառաբանության, մի քանի ժամում։ Խնդրի պատճառով բազմաթիվ վաճառողներ հայտնվել են անորոշ իրավիճակում։

«Wildberries մարկետփլեյսը երեկ առավոտվանից սկսել էր քիչ-քիչ փակել հայ վաճառողների ապրանքները։ Այս մասին վաճառողները սկսեցին գրել տելեգրամյան խմբում, որտեղ 2500 ձեռնարկատեր կա։ Երեկ երեկոյան արդեն բոլոր հայկական ԱՁ ու ՍՊԸ ունեցողների ապրանքները փակվեցին Wildberries-ում»,- ասել է Մկրտչյանը Sputnik Արմենիայի հետ զրույցում։

Նա ընդգծեց, որ ստացվում է՝ հայկական բիզնեսի համար փակվեց արտահանման կարևոր մարկետփլեյս , և վաճառքների ծավալները խիստ կկրճատվեն։

«Հատկապես փոքր բիզնեսների համար մարկետփլեյսը ոչ միայն վաճառքի միջոց էր, այլ նաև արդյունավետ գործիք՝ կանխիկ հոսքեր ձևավորելու և բրենդի ճանաչելիությունը ԵԱՏՄ երկրներում բարձրացնելու համար։ Այս իրավիճակում առավել քան երբևէ կարևոր է, որ պետությունը կանգնի փոքր բիզնեսի կողքին։ Ի վերջո, հենց փոքր բիզնեսներն են ձևավորում ապագայի մեծ բիզնեսները»,-ասաց Մկրտչյանը։

Նրա խոսքով՝ իրենք հույս ունեն, որ խնդրի մասին պետական մակարդակով պարզաբանում կտրվի։

Նշենք, որ ոչ Wildberries, ոչ ՀՀ պատկան մարմինները դեռ պաշտոնական որևէ մեկնաբանություն չեն տվել և չեն հաստատել խնդրի առկայությունը։

Հիշեցնենք՝ Հայաստանյան առևտրային ընկերությունները 2025 թվականին Wildberries մարկետփլեյսում 122%-ով ավելացրել են վաճառքի ծավալները։

Հայաստանից վաճառողների թիվը Wildberries մարկետփլեյսում տարվա ընթացքում աճել է 106%-ով։

ՀԳ. Նյութն արդեն պատրաստ էր, երբ Շուշան Մկրտչյանը սոցցանցում հայտնել է, որ հայաստանյան առևտրային ընկերությունների վաճառքները դադարեցրել է նաև OZON–ը։

 

Wildberries մարկետփլեյսը դադարեցրել է հայաստանյան առևտրային ընկերությունների վաճառքները։ Այս մասին Sputnik Արմենիայի հետ զրույցում ասել է անհատ ձեռնարկատեր Շուշան Մկրտչյանը։

Ավելի վաղ Մկրտչյանը սոցցանցերում գրել էր խնդրի մասին` նշելով, որ Հայաստանից վաճառքները դադարեցվել են առանց որևէ պատճառաբանության, մի քանի ժամում։ Խնդրի պատճառով բազմաթիվ վաճառողներ հայտնվել են անորոշ իրավիճակում։

«Wildberries մարկետփլեյսը երեկ առավոտվանից սկսել էր քիչ-քիչ փակել հայ վաճառողների ապրանքները։ Այս մասին վաճառողները սկսեցին գրել տելեգրամյան խմբում, որտեղ 2500 ձեռնարկատեր կա։ Երեկ երեկոյան արդեն բոլոր հայկական ԱՁ ու ՍՊԸ ունեցողների ապրանքները փակվեցին Wildberries-ում»,- ասել է Մկրտչյանը Sputnik Արմենիայի հետ զրույցում։

Նա ընդգծեց, որ ստացվում է՝ հայկական բիզնեսի համար փակվեց արտահանման կարևոր մարկետփլեյս , և վաճառքների ծավալները խիստ կկրճատվեն։

«Հատկապես փոքր բիզնեսների համար մարկետփլեյսը ոչ միայն վաճառքի միջոց էր, այլ նաև արդյունավետ գործիք՝ կանխիկ հոսքեր ձևավորելու և բրենդի ճանաչելիությունը ԵԱՏՄ երկրներում բարձրացնելու համար։ Այս իրավիճակում առավել քան երբևէ կարևոր է, որ պետությունը կանգնի փոքր բիզնեսի կողքին։ Ի վերջո, հենց փոքր բիզնեսներն են ձևավորում ապագայի մեծ բիզնեսները»,-ասաց Մկրտչյանը։

Նրա խոսքով՝ իրենք հույս ունեն, որ խնդրի մասին պետական մակարդակով պարզաբանում կտրվի։

Նշենք, որ ոչ Wildberries, ոչ ՀՀ պատկան մարմինները դեռ պաշտոնական որևէ մեկնաբանություն չեն տվել և չեն հաստատել խնդրի առկայությունը։

Հիշեցնենք՝ Հայաստանյան առևտրային ընկերությունները 2025 թվականին Wildberries մարկետփլեյսում 122%-ով ավելացրել են վաճառքի ծավալները։

Հայաստանից վաճառողների թիվը Wildberries մարկետփլեյսում տարվա ընթացքում աճել է 106%-ով։

ՀԳ. Նյութն արդեն պատրաստ էր, երբ Շուշան Մկրտչյանը սոցցանցում հայտնել է, որ հայաստանյան առևտրային ընկերությունների վաճառքները դադարեցրել է նաև OZON–ը։

 

Հայաստանը պատրաստվում է 2 խոշոր գագաթնաժողովի։ Նախկին խորհրդային երկիրը հույս ունի, որ դրանք ավելի կմոտեցնեն իրեն եվրոպական ընտանիքին, քանի որ Երևանը փորձում է զգուշորեն ազատվել Ռուսաստանի ճիրաններից․ գրում է Euractiv-ը։

Վերջին տարիներին Երևանի և նրա ավանդական դաշնակից Մոսկվայի միջև հարաբերությունները լարված են եղել, մասամբ այն պատճառով, որ ռուս խաղաղապահները չեն միջամտել հարևան Ադրբեջանի հետ ռազմական հակամարտությունների ժամանակ։

Մայիսի 4-ին սպասվում է, որ տասնյակ եվրոպացի առաջնորդներ կմասնակցեն Եվրոպական քաղաքական համայնքի (ԵՔՀ) գագաթնաժողովին, որին կհաջորդի ԵՄ-Հայաստան գագաթնաժողովը՝ դաշինքի գլխավոր պաշտոնյաների մասնակցությամբ։

Երբ ԵՄ ընդլայնման հարցերով հանձնակատար Մարթա Կոսը մարտին այցելեց Հայաստան, նա հայտարարեց, որ «Հայաստանը և ԵՄ-ն երբեք այսքան մոտ չեն եղել»։ Սակայն Երևանը դեռևս պաշտոնական քայլ չի ձեռնարկել դիմում ներկայացնելու համար։ Հայաստանն այժմ Ռուսաստանի գլխավորած Եվրասիական տնտեսական միության և Մոսկվայի գլխավորած ՀԱՊԿ անվտանգության դաշինքի անդամ է՝ չնայած  անդամակցությունն այս կառույցին սառեցրել է 2024 թվականին։

Ռուսաստանի նախագահ Վլադիմիր Պուտինն ապրիլին զգուշացրել է Հայաստանին, որ այն չի կարող լինել երկու դաշինքի անդամ։

«Եվրոպայի համար հանդիպումը Երևանում անցկացնելը նպատակասլաց ընտրություն է՝ հակազդելու ռուսական ազդեցության ոլորտների մասին նարատիվին և ցույց տալու Վլադիմիր Պուտինին, որ այս երկրները… իրենը չեն»,- AFP-ին ասել է Ժակ Դելոր ինստիտուտի հատուկ խորհրդական Սեբաստիան Մայարը։

Հարցումները ցույց են տալիս, որ հայերի մեծ մասը կողմ է եվրոպական ինտեգրմանը, մինչդեռ Ռուսաստանին աջակցությունը կտրուկ նվազել է։ Սակայն շատերը կասկածամիտ են այն հարցում, թե արդյոք ԵՄ-ին միանալն իրատեսական է։

Ադրբեջանի խորհրդարանը Եվրախորհրդարանի հետ հարաբերությունները կասեցնելու որոշում է ընդունել․ գրում են լրատվամիջոցները։

Ադրբեջանի Միլլի Մեջլիսը կդադարեցնի իր մասնակցությունը ԵՄ-Ադրբեջան խորհրդարանական համագործակցության կոմիտեին։ Սա արտացոլված է Ադրբեջանի խորհրդարանական նստաշրջանում ընդունված «Եվրախորհրդարանի հակաադրբեջանական գործունեության կապակցությամբ» որոշման մեջ։

Ավելի վաղ Ադրբեջանում Եվրամիության դեսպան Մարիանա Կույունջիչը կանչվել է Ադրբեջանի ԱԳՆ։ Դեսպանը բողոքի նոտա է ստացել ապրիլի 30-ին Եվրախորհրդարանի ընդունած, ինչպես իրենք են բնորոշել, «հակաադրբեջանական բանաձևի» վերաբերյալ։

Հիշեցնենք, որ երեկ Եվրախորհրդարանը Հայաստանի ժողովրդավարությանը սատարող բանաձև է ընդունել։

 

Ադրբեջանի խորհրդարանը Եվրախորհրդարանի հետ հարաբերությունները կասեցնելու որոշում է ընդունել․ գրում են լրատվամիջոցները։

Ադրբեջանի Միլլի Մեջլիսը կդադարեցնի իր մասնակցությունը ԵՄ-Ադրբեջան խորհրդարանական համագործակցության կոմիտեին։ Սա արտացոլված է Ադրբեջանի խորհրդարանական նստաշրջանում ընդունված «Եվրախորհրդարանի հակաադրբեջանական գործունեության կապակցությամբ» որոշման մեջ։

Ավելի վաղ Ադրբեջանում Եվրամիության դեսպան Մարիանա Կույունջիչը կանչվել է Ադրբեջանի ԱԳՆ։ Դեսպանը բողոքի նոտա է ստացել ապրիլի 30-ին Եվրախորհրդարանի ընդունած, ինչպես իրենք են բնորոշել, «հակաադրբեջանական բանաձևի» վերաբերյալ։

Հիշեցնենք, որ երեկ Եվրախորհրդարանը Հայաստանի ժողովրդավարությանը սատարող բանաձև է ընդունել։

 

Հայաստանում հունիսի 7-ին նախատեսված խորհրդարանական ընտրություններից առաջ Եվրոպական խորհրդարանն իր բանաձևում հիշեցրել է Երևանին բոլոր քաղաքական ուժերի համար հավասար պայմաններ ստեղծելու, ընդդիմության իրավունքները երաշխավորելու և խոսքի ազատությունն ապահովելու կարևորության մասին: Այն նաև կոչ է արել պայքարել ապատեղեկատվության դեմ, կանխել ընտրակաշառքը և ամրապնդել ընտրական ենթակառուցվածքների պաշտպանությունը․ գրում է Deutsche Welle-ն։

Եվրախորհրդարանի պատգամավորները զգուշացրել են հիբրիդային սպառնալիքների մասին, «մասնավորապես՝ Ռուսաստանից եկող», որոնք, նրանց կարծիքով, փորձում են ազդել Հայաստանի ընտրությունների վրա: Եվրախորհրդարանի պատգամավորները կարծում են, որ «միջազգային և ազգային խոշորածավալ առաքելությունները» պետք է վերահսկեն ժողովրդավարական նորմերը Հայաստանում ընտրությունների ժամանակ և կոչ են անում Հայաստանի իշխանություններին «լիովին համագործակցել նրանց հետ»։

Ըստ ընդունված բանձևի՝ հայերի կամքի ազատ արտահայտման հիմնական սպառնալիքներից մեկը Ռուսաստանի կողմից արտաքին տեղեկատվական միջամտությունն ու մանիպուլյացիան է, որն այդ նպատակով օգտագործում է կիբեռհարձակումներ, անօրինական քաղաքական ֆինանսավորում և օլիգարխիկ ցանցեր։ Այս սպառնալիքները «կառուցվածքային և երկարաժամկետ բնույթ ունեն» և պահանջում են շարունակական ջանքեր՝ «ուժեղացնելու Հայաստանի ժողովրդավարական դիմադրողականությունն» ընտրություններից հետո։

Փաստաթղթում նշվում է, որ «հատուկ մարտահրավեր», որին, հավանաբար, կբախվեն Հայաստանի իշխանությունները, «նշանակալի ռուսական համայնքի առկայությունն է Հայաստանում, այդ թվում՝ երկքաղաքացիություն ունեցող անձինք»։ Քանի որ Բրյուսելի և Երևանի հարաբերությունները մտել են «նոր փուլ, որը բնութագրվում է քաղաքական ներգրավվածության ավելի բարձր մակարդակով և անվտանգության ոլորտում համագործակցության ընդլայնմամբ», Եվրախորհրդարանը կոչ է անում ԵՄ-ին և անդամ պետություններին խորացնել համագործակցությունը Հայաստանի հետ ժողովրդավարական կառավարման, օրենքի գերակայության և դատական բարեփոխումների ոլորտներում։

Առանձին պարբերությամբ Եվրախորհրդարանի պատգամավորները վերահաստատել են իրենց աջակցությունը Լեռնային Ղարաբաղի հայերի իրավունքներին, այդ թվում՝ նրանց անվտանգ վերադարձի իրավունքին՝ համապատասխան միջազգային երաշխիքներով։ Նրանք նաև պահանջել են անհապաղ և անվերապահորեն ազատ արձակել Ադրբեջանի կողմից անօրինական կերպով պահվող հայ ռազմագերիներին և պատանդներին։

ԵՄ-ն աջակցում է Հայաստանի՝ իր ինքնիշխան ընտրությունն իրականացնելու իրավունքին։

Պաշտպանության և տիեզերքի հարցերով եվրահանձնակատար Անդրիուս Կուբիլիուսը հայտարարել է, որ ԵՄ-ի և Հայաստանի հարաբերությունները երբեք այսքան մոտ չեն եղել, որքան վերջին երկու տարիների ընթացքում։ Սա հաստատվում է, մասնավորապես, ԵՄ-Հայաստան առաջին գագաթնաժողովի և Եվրոպական քաղաքական համայնքի գագաթնաժողովի անցկացմամբ, որոնք տեղի կունենան հաջորդ շաբաթ Երևանում։

«Եվրամիությունն աջակցում է Հայաստանի կարողությանն իրականացնել իր ինքնիշխան ընտրությունը ազատ և արդար ընտրությունների միջոցով: Մենք աջակցում ենք ժողովրդավարական ինստիտուտներին, քաղաքացիական հասարակությանը և անկախ լրատվամիջոցներին Հայաստանում՝ ստեղծելու պայմաններ, որպեսզի քաղաքացիները կարողանան ազատորեն արտահայտվել և քվեարկել իրենց ապագայի համար՝ առանց միջամտության կամ խափանումների», – հայտարարել է եվրահանձնակատարը:

Եվրախորհրդարանի Հայաստանի հարցերով զեկուցող և Եվրոպական ժողովրդական կուսակցության սլովակյան խմբակցության անդամ Միրիամ Լեքսմանը նույնպես կարծում է, որ ԵՄ-ՀՀ հարաբերությունները հասել են շրջադարձային կետի, քանի որ վերջին տարիներին Երևանը «հստակ ուրվագծել է իր ուղին (…) դեպի Եվրոպայի հետ ավելի սերտ համագործակցություն»:

Ադրբեջանում Եվրամիության դեսպան Մարիանա Կույունջիչը կանչվել է Ադրբեջանի արտաքին գործերի նախարարություն․ գրում են ադրբեջանական լրատվամիջոցները։

Արտգործնախարարության համաձայն՝ դեսպանը բողոքի նոտա է ստացել ապրիլի 30-ին Եվրախորհրդարանի ընդունած, ինչպես իրենք են բնորոշել, «հակաադրբեջանական բանաձևի» վերաբերյալ։

Հիշեցնենք, որ երեկ Եվրախորհրդարանը Հայաստանի ժողովրդավարությանը սատարող բանաձև է ընդունել։

2019 թվականից ի վեր առաջին անգամ վերսկսվել է ԱՄՆ-ի և Վենեսուելայի միջև ուղիղ օդային կապը։

The Wall Street Journal-ը հաղորդում է, որ Մայամիից Վենեսուելա է մեկնել առաջին ուղիղ չվերթը։

Աղբյուրի տվյալներով՝ Մայամիի օդանավակայանի դարպասների մոտ տոնական մթնոլորտ է տիրել։ ԱՄՆ-ի և Վենեսուելայի պաշտոնյաները չվերթի մեկնարկը գնահատել են որպես երկկողմ հարաբերությունների բարելավման նշան։

 

Եվրոպական քաղաքական համայնքի (EPC) 8-րդ գագաթնաժողովի կազմակերպման շրջանակում նախատեսվում են երթևեկության սահմանափակումներ։

Արարողակարգային միջոցառումների ընթացքում մայիսի 2-5-ը Երևանում փակ կլինեն որոշ փողոցներ։

Մայիսի 2-ին՝ ժամը 7։30-13։00-ն փակ են լինելու՝ Հաղթանակ կամրջից Աթենքի փողոց տանող ճանապարհահատվածը, Քըրք Քըրքորյան փողոցից Ծիծեռնակաբերդի խճուղի տանող ուղղությունը, Հանրապետության հրապարակը, Աբովյան փողոցը՝ Սայաթ-Նովայի պողոտայից դեպի Հանրապետության հրապարակ հատվածը, Մաշտոցի պողոտայից և Գրիգոր Լուսավորչի փողոցից Հաղթանակի կամուրջ տանող հատվածները, Ագաթանգեղոսի – Գրիգոր Լուսավորչի – Արշակունյաց պողոտա խաչմերուկից Գրիգոր Լուսավորչի փողոց ուղղությունը, Շահումյան հրապարակից Բեյրութի փողոց ընկած հատվածը, Ազատության պողոտան՝ Բաբայան փողոցից Սարալանջի շրջանցիկ ճանապարհ տանող հատվածը, պարբերաբար կսահմանափակվի երթևեկությունը Իսակովի պողոտայում»։

Մայիսի 3-ին՝ ժամը 9:30-ից 19:30-ը պարբերաբար կսահմանափակվի երթևեկությունն Իսակովի պողոտայում՝ «Զվարթնոց» միջազգային օդանավակայանից մայրաքաղաքի կենտրոն տանող ուղղությամբ:

Ժամը 18:00-20:00-ն փակ կլինի՝ Լեոյից-Ձորափ հատվածը, իսկ ժամը 18:00-ից 19:30-ը փակ կլինեն Հանրապետության հրապարակը, և հրապարակ տանող ուղղությունները՝ Ամիրյան – Զաքյան և Սայաթ-Նովա – Աբովյան խաչմերուկներից․

Գրիգոր Լուսավորչի փողոցը՝ Մաշտոցի պողոտայից և Զաքյան փողոցից, և Ագաթանգեղոսի – Գ. Լուսավորչի – Արշակունյաց խաչմերուկից Լուսավորչի փողոց ընկած հատվածը, Շահումյան հրապարակից Բեյրութի փողոց տանող ճանապարհահատվածը, Ազատության պողոտան՝ Բաբայան փողոցից Սարալանջի շրջանցիկ ճանապարհ տանող հատվածը:

Իսկ ժամը 18:00-ից 23:00-ը երթևեկությունը սահմանափակվելու է՝ Բաղրամյան պողոտայից Պռոշյան և Դեմիրճյան փողոցներ տանող հատվածներում, Պարոնյան-Ձորափի փողոց խաչմերուկից Պռոշյան փողոց տանող ճանապարհահատվածում:

Մայիսի 4-ին՝ ժամը 7:00-ից 19:00-ն փակ են լինելու Հաղթանակ կամրջից Աթենքի փողոց տանող ճանապարհահատվածը, Քըրք Քըրքորյան փողոցից Ծիծեռնակաբերդի խճուղի տանող ուղղությունը:

Իսկ ժամը 7:00-ից 10:30-ն փակ են լինելու նաև Հանրապետության հրապարակը, Աբովյան փողոցը՝ Սայաթ-Նովայի պողոտայից դեպի Հանրապետության հրապարակ հատվածը, Մաշտոցի պողոտայից և Գրիգոր Լուսավորչի փողոցից Հաղթանակի կամուրջ տանող հատվածները, Ագաթանգեղոսի – Գրիգոր Լուսավորչի – Արշակունյաց պողոտա խաչմերուկից Գրիգոր Լուսավորչի փողոց ուղղությունը, Շահումյան հրապարակից Բեյրութի փողոց ընկած հատվածը, Ազատության պողոտան՝ Բաբայան փողոցից Սարալանջի շրջանցիկ ճանապարհ տանող հատվածը:

Մայիսի 5-ին՝ ժամը 8:00-ից 12:00-ն փակ են լինելու Հանրապետության հրապարակ մուտք գործող բոլոր փողոցները, Շահումյան հրապարակից դեպի Հաղթանակի կամուրջ ընկած ճանապարհահատվածը, Աթենքի փողոցը, Ծիծեռնակաբերդի խճուղին, Մաշտոցի, Սայաթ-Նովայի պողոտանները, Աբովյան Բաղրամյան փողոցներրը։

Ժամը 16:30-ից 17:30-ն երթևեկությունը կսահմանափակվի Բաղրամյան պողոտայում, Օրբելի, Կիևյան, Հալաբյան փողոցներում։ Երթևեկությունը պարբերաբար կսահմանափակվի Իսակովի պողոտայում՝ Հաղթանակ կամրջից «Զվարթնոց» օդանավակայան տանող ուղղությամբ:

ՆԳՆ-ն խնդրում է հետևել ոստիկանության ցուցումներին, անհարմարությունների համար հայցում է քաղաքացիների ներողամտությունը

 

Ռուսական շուկան փակվում է ամենաճանաչելի հայկական ապրանքանիշներից մեկի համար: Ռուսաստանում «Ջերմուկ» հանքային ջրի վաճառքի ժամանակավոր արգելքը պաշտոնապես վերագրվում է հայտնաբերված խախտումներին, սակայն Հայաստանը տեսնում է քաղաքական ենթատեքստ. գրում է Deutsche Welle-ն։

Հայաստանն անհապաղ արձագանքել է։ Սննդի անվտանգության տեսչությունը ստուգումներ է սկսել «Ջերմուկ Գրուպ» ընկերությունում: Ինչպես DW-ին հայտնել է ընկերության մամուլի խոսնակ Անուշ Հարությունյանը, նմուշներ են ուղարկվել վերլուծության:

Ինչպես նշվում է, Հայաստանի համար «Ջերմուկ»-ն ավելին է, քան պարզապես ապրանք: Այն ազգային արտահանման խորհրդանիշներից մեկն է: Ընկերությունը մշտապես ընդգրկվում է երկրի 100 խոշորագույն հարկատուների շարքում՝ տարեկան Ռուսաստան մատակարարելով ավելի քան 15 միլիոն լիտր ջուր:

Ապրանքանիշը Ռուսաստան է արտահանվում 2001 թվականից՝ անցնելով Եվրասիական տնտեսական միության բոլոր տեխնիկական կանոնակարգերը, ինչպես նաև վաճառվում է ԱՄՆ-ում, Եվրամիությունում, Ուկրաինայում և Վրաստանում:

Մասնագետները նշում են, որ հանքային ջրի ներմուծման արգելքը հարված է հասցնում ճանաչելի հայկական ապրանքանիշի հեղինակությանը: Շատ փորձագետներ և լրատվամիջոցներ «Ռոսպոտրեբնադզոր»-ի պնդումները կապում են ՀՀ վարչապետ Նիկոլ Փաշինյանի՝ վերջերս Մոսկվա կատարած այցի հետ:

Ընդհանուր քաղաքական մթնոլորտը մնում է լարված։ Արգելքի ժամկետը համընկնում է երկու խոշոր միջոցառումների՝ Եվրոպական քաղաքական համայնքի գագաթնաժողովի և մայիսի 4-5-ը նախատեսված Հայաստան-ԵՄ առաջին գագաթնաժողովի նախապատրաստական աշխատանքների հետ։ Միևնույն ժամանակ, երկրում խորհրդարանական ընտրություններին մնացել է մեկուկես ամսից էլ պակաս։ Այս համատեքստում փորձագետները հանքային ջրի հետ կապված իրավիճակը համարում են քաղաքական ազդանշան։