Category: ABCNews

Բանակի նոր համազգեստի ներդրման մասին առաջին հայտարարություններից անցել է շուրջ հինգ տարի, սակայն գործընթացը դեռ ավարտված չէ։ Փորձագետների կարծիքով՝ խնդիրը միայն համազգեստի արտաքին տեսքը չէ։ Նրանց գնահատմամբ՝ ժամանակակից համազգեստը մարտական նշանակություն ունի, իսկ ձգձգվող գործընթացը կարող է վկայել կառավարման և կազմակերպչական խնդիրների մասին։

ՀՀ Ազգային ժողովի նախագահ Ռուբեն Ռուբինյանը հեռախոսազրույց է ունեցել Ռուսաստանի Դաշնության Դաշնային ժողովի Դաշնության խորհրդի նախագահ Վալենտինա Մատվիենկոյի հետ․ հայտնում է Ազգային ժողովի մամուլի ծառայությունը։

«Զրուցակիցները քննարկել են Հայաստանի և Ռուսաստանի միջև միջխորհրդարանական համագործակցության օրակարգին առնչվող հարցեր՝ ընդգծելով խորհրդարանական երկխոսության շարունակականության և փոխադարձ հետաքրքրություն ներկայացնող հարցերի շուրջ համագործակցության կարևորությունը։

Անդրադարձ է կատարվել նաև Հայաստանի և Ռուսաստանի միջև երկկողմ հարաբերությունների ներկա փուլի մի շարք հարցերի։ Ռուբեն Ռուբինյանը նշել է, որ հայաստանյան ապրանքների՝ Ռուսաստանի Դաշնության շուկա արտահանման անհիմն սահմանափակումները մտահոգիչ են և կարևորել խնդրի կարգավորումը՝ երկու երկրների միջև գործող իրավապայմանագրային հիմքի և Եվրասիական տնտեսական միության կարգավորումների շրջանակներում։

Քննարկվել է նաև Հայաստանի Հանրապետության և Եվրոպական միության հարաբերությունների օրակարգը։ Ռուբեն Ռուբինյանը նշել է, որ Ռուսաստանի Դաշնության կողմից ակնկալվող՝ Հայաստանի Հանրապետությունում Եվրոպական միությանն անդամակցելու հարցով հանրաքվեի անցկացումը կարող է գործնականում հնարավոր դառնալ միայն Հայաստանի կողմից Եվրոպական միությանը պաշտոնական դիմում ներկայացնելուց և գործընթացի՝ առարկայական փուլ մտնելուց հետո»,- ասված է հայտարարության մեջ։

Այսօր՝ օգոստոսի 6-ին, ողբերգական դեպք է տեղի ունեցել Երևանում։ Ժամը 16:50-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Նուբարաշենի բաժնում օպերատիվ տեղեկություններ են ստացվել, որ Նուբարաշենի աղբավայրից աշխատակցին աղբակույտի տակից դուրս են բերել, ապա մոտեցրել շտապօգնությանը, ով հիվանդանոց տեղափոխվելու ճանապարհին մահացել է․ գրում է Shamshyan.com-ը։

Ինչպես տեղից հայտնում է ֆոտոլրագրող Գագիկ Շամշյանը, աղբավայրում աշխատանքներեր կատարելիս տրակտորն աղբն առաջ է տարել ու այն լցվել է աշխատակցի վրա։ Տեղում աղբավայրի աշխատակիցներն ու օպերատիվորեն ժամանած ՀՀ Ներքին գործերի նախարարության Փրկարար ծառայության Երևանի թիվ 10-րդ հրշեջ-փրկարարական ջոկատի փրկարարները որոնողական աշխատանքի արդյունքում հայտնաբերել են տուժածին, ապա մեծ դժվարությամբ դուրս են բերել և մոտեցրել օպերատիվորեն ժամանած Երևանի 103 շտապօգնությանը։ Բժիշկները տեղում օգնություն են ցուցաբերել, ապա տեղափոխել հիվանդանոց, ցավոք ճանապարհին գիտակցության չգալով մահացել է։

Դեպքի փաստով քննչական բաժնում «աշխատանքային կանոնների խախտում, որն առաջացրել է մարդու մահ» հատկանիշներով նախաձեռնվել է քրեական վարույթ։ Ոստիկաններն ու փրկարարները պարզել են, որ մահացածը Երևանի բնակիչ 29-ամյա Էդգար Է.-ն է։

Հրանտ Մաթևոսյանի ստեղծած աշխարհը սկսվում է Ահնիձորից։ Այստեղ ամեն արահետ, ամեն ծառ ու քար հիշեցնում են մեծ գրողին։ Նրա ազգական Հովհաննես Մաթևոսյանը պատմում է մանկության, միասին անցկացրած օրերի, և այն լռության մասին, որ Հրանտ Մաթևոսյանի համար էր։

Բայց այս պատմությունը միայն հիշողության մասին չէ։ Այն նաև Ահնիձորի այսօրվա մասին է, որտեղ մարդիկ սիրում են իրենց գյուղը, բայց շատերը ապագայի փնտռտուքով գյուղից դուրս են գնում։

Ռուսաստանը «սահմանափակումներ» չի մտցնում հայկական արտահանման համար. ապրանքների որոշակի կատեգորիաների հետ կապված կան որակի մի շարք խնդիրներ․ ինչպես գրում է ria.ru-ն, այդ մասին հայտարարել է ՌԴ ԱԳՆ տեղեկատվության և մամուլի վարչության փոխտնօրեն Ալեքսեյ Ֆադեևը։

«Արտահանման ներկայիս դժվարությունները ներկայացվում են որպես Մոսկվայի կողմից որոշակի սահմանափակումներ, բայց մենք պետք է հասկանանք, որ դրանք մեր սահմանափակումները չեն… Հայաստանի ղեկավարությունն ինքն է հրապարակավ ընդունել, որ ապրանքների որոշակի կատեգորիաների հետ կապված կան որակի մի շարք խնդիրներ», – հայտարարել է Ֆադեևը։

Նրա խոսքով՝ ՀՀ իշխանությունները «դիվերսիֆիկացիա» բառն օգտագործում են եվրասիական ինտեգրացիայից և Ռուսաստանից «թշնամական Եվրոպական Միություն թեքվելու իրենց շրջադարձը քողարկելու համար»։

Նա նման մոտեցումն անվանել է «բացահայտ խաբեություն» ոչ միայն եվրասիական ինտեգրման գործընկերների, այլև հենց հայ բնակչության նկատմամբ: Ֆադեևի խոսքով՝ «դեպի Եվրոպա նման ցատկի» սոցիալ-տնտեսական հետևանքները թաքցվում են հայ քաղաքացիներից, իսկ արտահանման ներկայիս դժվարությունները ներկայացվում են որպես Մոսկվայի կողմից սահմանված որոշակի սահմանափակումներ։

«Սրանք մեր սահմանափակումները չեն. սա այն իրականությունն է, որը սպասվում է հանրապետությանը, երբ ավանդական կապերը խզվեն», – ընդգծել է դիվանագետը։

Ֆադեևը հավելել է, որ արևմտյան երկրների հետ համագործակցության վերաբերյալ Երևանի կողմից ստորագրված հռչակագրերն «իրավաբանորեն պարտավորեցնող չեն»՝ ի տարբերություն ռուս-հայկական պայմանագրերի և համաձայնագրերի շարքի։

Նա հիշեցրել է, որ դեռևս 2024 թվականին ՆԱՏՕ-ի նախկին գլխավոր քարտուղար Ռասմուսենը «Հայաստանի բարեկամներ» ցանցի համար զեկույցում «սևով սպիտակի վրա» նշել էր, որ հանրապետությունը «ցածր գնով ձեռնարկություն» է Արևմուտքի համար։

Բացահայտեք Սևանա լիճը նոր տեսանկյունից։ Այս տեսանյութում ցուցադրվում է ջրասուզում դեպի լճի խորքերը՝ նոր հայտնագործություններ կատարելու համար։

Տեսանյութը նախատեսված է նրանց համար, ովքեր հետաքրքրված են Սևանի գաղտնիքները ուսումնասիրելով։ Մենք կենտրոնանում ենք ջրային հետազոտություն իրականացնելու գործընթացի վրա՝ ցուցադրելով այն, ինչ սովորաբար թաքնված է աչքից։ Դուք կտեսնեք ստորջրյա աշխարհ իր իրական տեսքով՝ առանց զարդարանքների։

Սևանա լիճը շատ ավելին է, քան պարզապես զբոսաշրջային վայր։ Այս ջրասուզում հնարավորություն է տալիս ավելի լավ հասկանալ Սևանի հատակը և այնտեղ առկա կառուցվածքները։ Դիտեք ամբողջական տեսանյութը՝ Սևանի գաղտնիքները ինքնուրույն բացահայտելու համար։

The Economist-ին տված հարցազրույցում Tesla-ի և SpaceX-ի ղեկավարը հայտարարել է, որ մոտ 5 տարվա ընթացքում AI-ն կարող է գերազանցել մարդկային ինտելեկտի հանրագումարը։ Մասկը զգուշացնում է՝ տեխնոլոգիական առաջընթացի հետ միասին մեծանում են նաև անվտանգության ռիսկերը։ Նա խոսել է AI-ի վերահսկողության, էներգիայի համաշխարհային մրցավազքի, տվյալների կենտրոնների հնարավոր տեղափոխման դեպի տիեզերք և մարդկության ապագայի շուրջ իր մտահոգությունների մասին։

Հայաստանի ղեկավարությունը «սիրախաղ է անում» Կիևի ռեժիմի հետ՝ հարցեր առաջացնելով Երևանի՝ Մոսկվայի հետ դաշնակցային հարաբերությունների վերաբերյալ․ ինչպես գրում է ТАСС-ը, այդ մասին հայտարարել է ՌԴ ԱԳՆ տեղեկատվության և մամուլի դեպարտամենտի փոխտնօրեն Ալեքսեյ Ֆադեևը:

«Այսպես թե այնպես, վերոնշյալ գիծը, որի մի մասն անկասկած ցուցադրական «սիրախաղն» է Կիևի ռեժիմի հետ, լուրջ կասկածներ է առաջացնում Հայաստանի իշխող շրջանակների՝ Ռուսաստանի հետ իսկապես դաշնակցային հարաբերությունների պատրաստակամության առնչությամբ», – նշել է դիվանագետը։

«Եվ եթե Երևանը ձգտում է ապահովել, որ իր շահերը հաշվի առնվեն, ապա ինչո՞ւ Մոսկվան նմանատիպ հարց չպետք է ունենա իր հայ գործընկերներին։ Մինչ այժմ մենք տեսնում ենք, որ ՀՀ ղեկավարությունը մեր հարաբերությունների հեռանկարներն ընկալում է որպես միակողմանի երթևեկությամբ փողոց։ Եվ, իհարկե, մենք հույս ունենք ավելի իրատեսական և հավասարակշռված մոտեցման», – նշել է Ֆադեևը։

Նրա խոսքով՝ Ռուսաստանը տեսնում է, որ Հայաստանը փորձում է բարձրացնել խաղադրույքը կամ պարզապես դիմել շանտաժի Մոսկվայի հետ հարաբերություններում։

Այս քաղաքականությունը, ըստ Ֆադեևի, «ներառում է ռուսամետ գործիչների հետապնդում, Հայաստանում գործող ռուսական ընկերությունների դեմ արբիտրաժային գործընթացների սպառնալիքներ, որոնք հանրապետության պետական բյուջեի խոշոր հարկատուներն են, կամ Մոսկվայից միլիարդավոր դոլարների պահանջ այն նախագծերի համար, որոնցից գործող իշխանությունները չեն ցանկացել հրաժարվել իրենց քաղաքական կարիերայի արշալույսին»։

«Ի դեպ, նման բարձր հայտարարություններ անելուց առաջ, հավանաբար, արդար կլիներ ծանոթանալ իրավական շրջանակին, որը հստակ նշում է, թե ով ում ինչ է պարտք», – հավելել է նա։

Հայաստանում խոշոր եղջերավոր անասունների թիվը վերջին հինգ տարում նվազել է 145 հազարով՝ շուրջ 23 տոկոսով։ Ինչո՞ւ են գյուղացիները հրաժարվում անասնապահությունից, ինչպե՞ս են պատերազմից հետո կրճատված ու դեգրադացած արոտավայրերը, կաթի ցածր մթերման գինը, պարտադիր սպանդանոցային մորթը և արոտների այլ նպատակներով օգտագործումը ազդում ոլորտի վրա։

«Կենտրոն» ՀԸ-ի գլխավոր տնօրեն Բեթղեհեմ Արաբյանը անդրադարձել է հեռուստաընկերության տուգանմանը․

«Հարգելի՛ գործընկերներ,

ինչպես հայտնի է, Հեռուստատեսության և ռադիոյի հանձնաժողովը հուլիսի 6-ին,7-ին, 8-ին իրականացրած մշտադիտարկման հետևանքով վարույթ էր հարուցել  «Կենտրոն» հեռուստաընկերության (Մուլտի Մեդիա Կենտրոն Թիվի» ՓԲԸ ) նկատմամբ։

Հաշվի առնելով հանրային հետաքրքրությունը՝ ցանկանում եմ հակիրճ ներկայացնել Հանձնաժողովի կայացրած որոշման էությունն ու իմ դիրքորոշումը։

ՀՌՀ-ն արձանագրել է, որ «Մուլտի Գրուպ» կոնցեռնին պատկանող ձեռնարկություններում, ինչպես նաև ԲՀԿ նախագահ Գագիկ Ծառուկյանի բնակարանում իրականացված խուզարկությունների, նրա ձերբակալության, «Արարատցեմենտ»-ում, «Արարատ» կոնյակի-գինու-օղու կոմբինատում, «Մուլտի Ուելնես»-ում և այլ ձեռնարկություններում կատարված գործողությունների վերաբերյալ հրապարակումները վերաբերում են մեկ անձի՝ Գագիկ Ծառուկյանին։ Այդ հիմքով Հանձնաժողովը եզրակացրել է, որ այդ ամենը մեկ լուր է, որովհետև ասոցացվում է Գագիկ Ծառուկյանի հետ։

Հետևաբար, ՀՌՀ-ն գտել է, որ խախտվել է «Տեսալսողական մեդիայի մասին» օրենքի 10-րդ հոդվածի 7-րդ մասի պահանջը, ըստ որի՝ թողարկման ընթացքում մեկ թեմայի լուսաբանմանը հատկացվել է օրենքով սահմանված 25 տոկոսի առավելագույն շեմը գերազանցող ժամանակ։

Որպես «Կենտրոն» հեռուստաընկերության գլխավոր տնօրեն ծանուցվել եմ նիստի վերաբերյալ, ներկայացել եմ և հայտնել իմ անհամաձայնությունը։ Մասնավորապես, նշել եմ, որ պետական վեց տարբեր մարմնի կողմից շուրջ 70 ձեռնարկությունում իրականացված գործողությունները չեն կարող դիտարկվել որպես մեկ լրատվական թեմա կամ մեկ լուր։ Այն, որ, օրինակ, իքս ձեռնարկությունը փակվել է, կապարակնքվել է, կամ իքս ձեռնարկությունում վարույթ իրականացնող մարմինը գործողություն է իրականացնում, մեկ լուր չէ։ «Մուլտի Ուելնես»-ի փակման լուրը, որպեսզի հաճախորդը չգնա, օրինակ, մարզվելու, Գագիկ Ծառուկյանին վերաբերող լուր չեմ համարում։

Միաժամանակ բարձրաձայնել եմ նաև այս մոտեցման ռիսկայնությունը։  Եթե, օրինակ, ՀՌՀ նկատի, որ իքս հեռուստաընկերությունը մեկ լրատվական թողարկմամբ լուսաբանի կառավարության վեց տարբեր նախարարությունների գործունեությունը, որոնք ունեն տարբեր լիազորություններ և պատասխանատվության ոլորտներ,(ինչպես ՄԳ կոնցեռն-ի տարբեր ձեռնարկություններ) արդյո՞ք այդ դեպքում դրանք նույնպես կհամարվեն մեկ թեմա՝ կառավարության գործունեություն։ Կամ եթե ՀՀ չորս մարզում գրանցվեն ավտովթարներ, հիմա դա մե՞կ թեմա է։  Ի դեպ, «Էպիկենտրոն»-ի թողարկումը բխել է իրականացվող գործողություններից։ Նշված օրերին «Էպիկենտրոն»-ը պլանավորված ոչինչ չի ունեցել ԲՀԿ ղեկավարին լուսաբանելու վերաբերյալ, հետևաբար լուսաբանվել է ըստ պետական մարմինների գործողությունների։

Յուրաքանչյուրս մնացինք մեր դիրքորոշմանը։

ՀՌՀ-ն միաձայն ընդունեց վարչական ակտը և «Կենտրոն» հեռուստաընկերությունը ստացավ երկրորդ նախազգուշացումը։

Շնորհակալ եմ գործընկերներիս ուշադրության և թեմային անդրադառնալու համար»,- գրել է նա։