Category: Armbanks

ԵՐԵՎԱՆ, 23 ապրիլի․/ԱՌԿԱ/․  Հայաստանի բոլոր 17 գործող առևտրային բանկերը 2026 թ.-ի առաջին եռամսյակում ընդգրկվել են 1000 խոշորագույն հարկատուների ցանկում՝ պետական բյուջե վճարելով ընդհանուր առմամբ 28,65 մլրդ դրամ։

Այս մասին են վկայում ՀՀ Պետական եկամուտների կոմիտեի կողմից հրապարակված տվյալները։

Բանկերի կողմից վճարված բոլոր միջոցների կառուցվածքում հարկային մարմինների կողմից հավաքագրված գումարները կազմել են 28,25 մլրդ դրամ, մաքսային մարմինների կողմից՝ 400,6 մլն դրամ։

Համաձայն ՊԵԿ տվյալների՝ բանկերի շահութահարկի գծով հավաքագրումները կազմել են 10,37 մլրդ դրամ, եկամտային հարկինը՝ 13,94 մլրդ դրամ, ԱԱՀ-ն՝ 1,29 մլրդ դրամ, այլ հարկերի և տուրքերի գծով՝ 3,05 մլրդ դրամ։

Անցած եռամսյակի վճարումների ծավալով բանկերի շարքում առաջատարների հնգյակում ներառվել են Ամերիաբանկը՝ 4,87 մլրդ դրամ (13-րդ տեղ), Արդշինբանկը՝ 4,09 մլրդ դրամ (17-րդ տեղ), ԱԿԲԱ բանկը՝ 3,77 մլրդ դրամ (18-րդ տեղ), Էվոկաբանկը՝ 2,33 մլրդ դրամ (25-րդ տեղ) և Ինեկոբանկը՝ 2,18 մլրդ դրամ (32-րդ տեղ)։

Խոշորագույն հարկատուների առաջին հարյուրյակում ներառվել են Ֆասթ Բանկը՝ 1,56 մլրդ դրամ (48-րդ տեղ), Կոնվերս բանկը՝ 1,5 մլրդ դրամ (51-րդ տեղ), Հայէկոնոմբանկը՝ 1,45 մլրդ դրամ (54-րդ տեղ), IDBank-ը՝ 1,41 մլրդ դրամ (56-րդ տեղ), Արարատ բանկը՝ 1,25 մլրդ դրամ (65-րդ տեղ), ՎՏԲ Բանկ (Հայաստան)-ը՝ 1,16 մլրդ դրամ (69-րդ տեղ) և ԱՄԻՈ ԲԱՆԿ-ը՝ 1,13 մլրդ դրամ (71-րդ տեղ)։

Մնացած հինգ բանկերը ցանկում զբաղեցրել են հետևյալ դիրքերը. Արմսվիսբանկ՝ 782,9 մլն դրամ (102-րդ տեղ), Արցախբանկ՝ 401 մլն դրամ (204-րդ տեղ), Յունիբանկ՝ 296,3 մլն դրամ (273-րդ տեղ), Բիբլոս Բանկ Արմենիա՝ 292,8 մլն դրամ (273-րդ տեղ) և Մելլաթ բանկ՝ 169,1 մլն դրամ (512-րդ տեղ)։

Հայաստանի Կենտրոնական բանկի վճարումների ընդհանուր գումարը կազմում է 768,3 մլն դրամ։

Համաձայն ՊԵԿ տվյալների՝ Հայաստանի 1000 խոշորագույն հարկատուները 2025 թվականի առաջին եռամսյակի համար հանրապետության պետական բյուջե են փոխանցել ավելի քան 459,3 մլրդ դրամի հարկային և մաքսային վճարումներ։ Ցանկը գլխավորում է Mobile Center Art-ը (վճարումների ծավալը՝ 21,37 մլրդ դրամ), երկրորդ տեղում է «Գազպրոմ Արմենիա»-ն (19,76 մլրդ դրամ), եռյակը եզրափակում է Զանգեզուրի պղնձամոլիբդենային կոմբինատը (15,48 մլրդ դրամ)։

ԵՐԵՎԱՆ, 21 ապրիլի․/ԱՌԿԱ/․ 500 դրամ մետաղադրամները շարունակում են մնալ շրջանառության մեջ, շրջանառությունից դուրս եկած 2-րդ սերնդի մի շարք թղթադրամների վերաբերյալ որոշումը չի տարածվում 500 դրամ անվանական արժեքով մետաղադրամի վրա, հայտնում են Կենտրոնական բանկից։

«ՀՀ բոլոր մետաղադրամները, այդ թվում՝ 500 դրամ մետաղադրամը, շարունակում են մնալ շրջանառության մեջ և պահպանել իրենց՝ որպես օրինական վճարամիջոցի կարգավիճակը։ Քաղաքացիները կարող են ազատորեն օգտագործել դրանք առօրյա վճարումների համար՝ առանց որևէ սահմանափակման», – նշված է տարածած հաղորդագրության մեջ։

Նշենք, որ Կենտրոնական բանկի  2025 թվականի ապրիլի 28-ի որոշման համաձայն՝ շրջանառությունից են եկել հետևյալ 2-րդ սերնդի թղթադրամները.

– 500 դրամ (1999 թ., Ալեքսանդր Թամանյան)

– 1000 դրամ (1999, 2001, 2011, 2015 թթ., Եղիշե Չարենց)

– 5000 դրամ (1999, 2003, 2009, 2012 թթ., Հովհաննես Թումանյան)

– 10․000 դրամ (2003, 2006, 2008, 2012 թթ., Ավետիք Իսահակյան)

– 20․000 դրամ (1999, 2007, 2009, 2012 թթ., Մարտիրոս Սարյան)

Քաղաքացիները կարող են իրենց մոտ առկա «հին» թողարկման թղթադրամներն  անվճար, անժամկետ և առանց սահմանափակումների փոխանակել ՀՀ տարածքում գործող առևտրային բանկերում և Կենտրոնական բանկում։

ԵՐԵՎԱՆ, 21 ապրիլի․/ԱՌԿԱ/․ «ԱՌԿԱ» գործակալությունը հրապարակում է Հայաստանի խոշորագույն բանկերի վարկանիշային աղյուսակը՝ ըստ համախառն ակտիվների ծավալի 2026 թվականի մարտի 31-ի դրությամբ:

Հայաստանի բանկերի համախառն ակտիվները 2026 թվականի առաջին եռամսյակի վերջի դրությամբ կազմել են 13,15 տրլն դրամ՝ 2025 թվականի առաջին եռամսյակի վերջի 11,27 տրլն դրամի համեմատ (աճը՝ 16,67%) և 2025 թվականի չորրորդ եռամսյակի վերջի 12,83 տրլն դրամի համեմատ (աճը՝ 2,51%):

Ըստ «ԱՌԿԱ» գործակալության վարկանիշի՝ ակտիվների ծավալով Հայաստանի խոշորագույն բանկերի հնգյակում ներառվել են Արդշինբանկը, Ամերիաբանկը, Ակբա բանկը, Ամիօ Բանկը և Ինեկոբանկը:

Հաշվետու ամսաթվի դրությամբ ակտիվների ծավալով Հայաստանի խոշորագույն բանկն է Արդշինբանկը: Բանկի ակտիվներն ընթացիկ տարվա մարտի վերջի դրությամբ կազմել են 2,81 տրլն դրամ (աճը նախորդ տարվա մարտի վերջի համեմատ՝ 21,35%, իսկ նախորդ տարվա դեկտեմբերի վերջի համեմատ՝ 5,16%):

Երկրորդ հորիզոնականում Ամերիաբանկն է՝ 2,42 տրլն դրամ ակտիվներով (աճը տարվա ընթացքում՝ 29,15%, եռամսյակի ընթացքում՝ 3,46%):

Վարկանիշի երրորդ հորիզոնականը զբաղեցնում է Ակբա բանկը՝ 1,09 տրլն դրամ ակտիվների չափով (աճը նախորդ տարվա I եռամսյակի համեմատ՝ 18,53%, իսկ նախորդ տարվա IV եռամսյակի համեմատ՝ 2,18%):

Չորրորդ հորիզոնականում է Ամիօ Բանկը՝ 974,3 մլրդ դրամ ակտիվների ծավալով (աճը նախորդ տարվա մարտի վերջի համեմատ՝ 5,45%, իսկ դեկտեմբերի վերջի համեմատ՝ 1,76%):

Ակտիվների մեծությամբ խոշորագույն բանկերի հնգյակը եզրափակում է Ինեկոբանկը, որի ակտիվները կազմել են 915,9 մլրդ դրամ՝ տարեկան 15,28% աճի և եռամսյակայի ընթացքում 0,33% անկման պայմաններում:

Բանկերի վարկանիշի կազմման աղբյուր է հանդիսանում «ԱՌԿԱ» գործակալության «Հայաստանի բանկերի գործունեության ցուցանիշները. 2026 թ. I եռամսյակի օպերատիվ տվյալներ» տեղեկագիրը, որը կազմվել է հայկական բանկերի կողմից ՖՀՄՍ միջազգային ստանդարտներին համապատասխան հրապարակվող հաշվետվությունների հիման վրա:

Սույն տեղեկագիրը և գործակալության այլ տեղեկատվական պրոդուկտները ձեռք բերելու համար խնդրում ենք դիմել մարքեթինգի բաժին (էլ. փոստ՝ [email protected]):

ԵՐԵՎԱՆ, 21 ապրիլի․/ԱՌԿԱ/․ «ԱՌԿԱ» գործակալությունը հրապարակում է Հայաստանի խոշորագույն բանկերի վարկանիշային աղյուսակը՝ ըստ համախառն ակտիվների ծավալի 2026 թվականի մարտի 31-ի դրությամբ:

Հայաստանի բանկերի համախառն ակտիվները 2026 թվականի առաջին եռամսյակի վերջի դրությամբ կազմել են 13,15 տրլն դրամ՝ 2025 թվականի առաջին եռամսյակի վերջի 11,27 տրլն դրամի համեմատ (աճը՝ 16,67%) և 2025 թվականի չորրորդ եռամսյակի վերջի 12,83 տրլն դրամի համեմատ (աճը՝ 2,51%):

Ըստ «ԱՌԿԱ» գործակալության վարկանիշի՝ ակտիվների ծավալով Հայաստանի խոշորագույն բանկերի հնգյակում ներառվել են Արդշինբանկը, Ամերիաբանկը, Ակբա բանկը, Ամիօ Բանկը և Ինեկոբանկը:

Հաշվետու ամսաթվի դրությամբ ակտիվների ծավալով Հայաստանի խոշորագույն բանկն է Արդշինբանկը: Բանկի ակտիվներն ընթացիկ տարվա մարտի վերջի դրությամբ կազմել են 2,81 տրլն դրամ (աճը նախորդ տարվա մարտի վերջի համեմատ՝ 21,35%, իսկ նախորդ տարվա դեկտեմբերի վերջի համեմատ՝ 5,16%):

Երկրորդ հորիզոնականում Ամերիաբանկն է՝ 2,42 տրլն դրամ ակտիվներով (աճը տարվա ընթացքում՝ 29,15%, եռամսյակի ընթացքում՝ 3,46%):

Վարկանիշի երրորդ հորիզոնականը զբաղեցնում է Ակբա բանկը՝ 1,09 տրլն դրամ ակտիվների չափով (աճը նախորդ տարվա I եռամսյակի համեմատ՝ 18,53%, իսկ նախորդ տարվա IV եռամսյակի համեմատ՝ 2,18%):

Չորրորդ հորիզոնականում է Ամիօ Բանկը՝ 974,3 մլրդ դրամ ակտիվների ծավալով (աճը նախորդ տարվա մարտի վերջի համեմատ՝ 5,45%, իսկ դեկտեմբերի վերջի համեմատ՝ 1,76%):

Ակտիվների մեծությամբ խոշորագույն բանկերի հնգյակը եզրափակում է Ինեկոբանկը, որի ակտիվները կազմել են 915,9 մլրդ դրամ՝ տարեկան 15,28% աճի և եռամսյակայի ընթացքում 0,33% անկման պայմաններում:

Բանկերի վարկանիշի կազմման աղբյուր է հանդիսանում «ԱՌԿԱ» գործակալության «Հայաստանի բանկերի գործունեության ցուցանիշները. 2026 թ. I եռամսյակի օպերատիվ տվյալներ» տեղեկագիրը, որը կազմվել է հայկական բանկերի կողմից ՖՀՄՍ միջազգային ստանդարտներին համապատասխան հրապարակվող հաշվետվությունների հիման վրա:

Սույն տեղեկագիրը և գործակալության այլ տեղեկատվական պրոդուկտները ձեռք բերելու համար խնդրում ենք դիմել մարքեթինգի բաժին (էլ. փոստ՝ [email protected]):

ԵՐԵՎԱՆ, 21 ապրիլի․/ԱՌԿԱ/․ «ԱՌԿԱ» գործակալությունը հրապարակում է 2026 թվականի I եռամսյակի արդյունքներով Հայաստանի ամենաշահութաբեր բանկերի վարկանիշային աղյուսակը: Հայաստանի բանկերի համախառն զուտ շահույթը 2026 թվականի հունվար-մարտ ամիսներին կազմել է 103,48 մլրդ դրամ՝ 2025 թվականի նույն ժամանակահատվածի 101,18 մլրդ դրամի համեմատ՝ աճելով 2,27%-ով:

Ըստ «ԱՌԿԱ» գործակալության վարկանիշի՝ 2026 թվականի I եռամսյակի արդյունքներով զուտ շահույթի ցուցանիշով (հարկումից հետո) առաջատարների հնգյակում են ներառվել Արդշինբանկը, Ամերիաբանկը, Ակբա բանկը, Արարատբանկը և Ինեկոբանկը:

2026 թվականի մարտի վերջի դրությամբ Հայաստանի ամենաշահութաբեր բանկն է դարձել Արդշինբանկը: Բանկի զուտ շահույթը կազմել է 33,12 մլրդ դրամ՝ նախորդ տարվա նույն ժամանակահատվածի համեմատ նվազելով 7,33%-ով:

Երկրորդ տեղում Ամերիաբանկն է՝ 19,22 մլրդ դրամ շահույթով, ինչը 19,99%-ով գերազանցում է 2025 թվականի մարտի վերջի արդյունքը:

Երրորդ հորիզոնականը զբաղեցնում է Ակբա բանկը, որը 2026 թվականի I եռամսյակի արդյունքներով ստացել է 7,59 մլրդ դրամի շահույթ, որը նախորդ տարվա I եռամսյակի համեմատ նվազել է 2,49%-ով:

Չորրորդ տեղում Արարատբանկն է՝ 5,12 մլրդ դրամ զուտ շահույթով, ինչը 64,07%-ով բարձր է 2025 թվականի նույն ժամանակահատվածի արդյունքից:

Առաջատարների հնգյակը եզրափակում է Ինեկոբանկը, որի շահույթը կազմել է 4,93 մլրդ դրամ, անկումը 2025 թվականի I եռամսյակի համեմատ՝ 33,96%:

Բանկերի շահույթի վարկանիշի կազմման աղբյուր է հանդիսանում «ԱՌԿԱ» գործակալության «Հայաստանի բանկերի գործունեության ցուցանիշները. 2026 թ. I եռամսյակի օպերատիվ տվյալներ» տեղեկագիրը, որը կազմվել է հայկական բանկերի կողմից ՖՀՄՍ միջազգային ստանդարտներին համապատասխան հրապարակվող հաշվետվությունների հիման վրա:

Սույն տեղեկագիրը և գործակալության այլ տեղեկատվական պրոդուկտները ձեռք բերելու համար խնդրում ենք դիմել մարքեթինգի բաժին (էլ. փոստ՝ [email protected]):